23:32 11 Теке 2020
Түз эфир
  • USD77.8000
  • EUR87.8362
  • RUB1.0922
Коом
Кыскача шилтеме алуу
Тибиртке — кыргызча туура сүйлөйбүз (75)
9371102

Кылымдарды карыткан кыргыз тилин "жарды тил" деп атагандар да болгон. Манастай улуу дастанды жараткан элдин тилин кемитип-кемсинткендердин кулагына күмүш сырга болсун деп "Тибиртке" тартуулап турган чагыбыз.

БИШКЕК, 18-авг. — Sputnik. Айида Батырбекова. Синоним сөздөр жалпысынан бир гана түшүнүктү же бири-бирине өтө жакын маанидеги сөздөрдү билдирет. Ал эми тыбыштык курамы жактан ар башкача болот. Sputnik Кыргызстан агенттиги Мамлекеттик тил боюнча улуттук комиссиянын кызматкери Альфира Супатаева түзгөн синонимдер сөздүгүнө таянуу менен мындай сөздөрдүн айрымдарын гана мисал келтирди. 

Тез — бат — дароо — ылдам — шак — шарт — чапчаң;

Кудай — Жараткан — Алла — Теңир — Алла Таала — Эге;

Аалам — дүйнө — жер жүзү — дүйнө жүзү — ай-аалам;

Абийирдүү — уяттуу — ар-намыстуу — ызааттуу;

Айда — эк — тик — отургуз — сеп;

Жакшы — дурус — түзүк — мыкты — сонун — ырас;

Абдан — аябай — эң — өлгүдөй — өлгүчө — эбегейсиз — иттей — кызылдай;

Абал — акыбал — жай — ал — ал-жай — ал-абал — чоо-жай — кырдаал;

Айлана — чөйрө — теребел — чөлкөм — мейкиндик — туш тарап — чар тарап;

Баары — бардыгы — бүт — тегиз — текши — туташ — жапырт — чогуу — баакиси— үргүлжү — күлдү — мүлдө — көңкү;

Атактуу — даңктуу — даңазалуу — белгилүү — көрүнүктүү;

Жайлуу — ыңгайлуу — оңтойлуу — ыктуу — оңуттуу;

Акшый — акырай — чакырай — чакчай — акшырай — акый;

Адыраңда — оңураңда — одураңда — ороңдо;

Айыпкер — күнөөкөр — жазакер — кылмышкер;

Айлакер — амалдуу — амалкөй — куу — шум — митаам;

Албуут — ачуулуу — долу — бейжай — ажаан — тажаал;

Абайла — байка — этиятта — чеберде — аярда;

Көйрөң — мактанчаак — жел өпкө;

Сүйөнүч таяныч — жөлөнүч;

Кез — учур — мезгил — чак — убак — кыйры — маал — чоло — оокум;

Каза болду — каза тапты — көз жумду — мерт кетти — набыт болду — о дүйнөгө кайтты — дүйнө салды — кош айтышты — өлдү — өтүп кетти — чарчап калды — кайтыш болду — курман болду — ажал тапты — мүрт өлдү — жан берди — көзү өттү — акыркы сапарга кетти.

Тема:
Тибиртке — кыргызча туура сүйлөйбүз (75)

Тема боюнча

Фиолетовый, алый, пурпурный, бурый — өң-түстөрдүн кыргызча аталышын билесизби?
Счет берчи, замкание болуптур, гордыйсың ээ… Кыргызча айта аласызбы?
Белгилер:
синоним, тибиртке, тил, мамлекеттик тил

ЭҢ МААНИЛҮҮ