Акысыз тамада жана Айсулууга арналган ыр: балбан кызга ким эмне убадалады?

© AFP / JACK GUEZБорец в вольном стиле из Кыгызстана Айсулуу Тыныбекова на олимпийских играх в Рио-Де-Жанейро
Борец в вольном стиле из Кыгызстана Айсулуу Тыныбекова на олимпийских играх в Рио-Де-Жанейро - Sputnik Кыргызстан
Жазылуу
Айсулуу Тыныбекова Бразилияда өтүп жаткан Олимпиада оюндарында катары менен эки жеңишке жеткенде көпчүлүк берерге аш таппай, колунан келген кызматын сунуштаганга жетишти.

БИШКЕК, 18-авг. — Sputnik. Эркин күрөш боюнча Риодогу Олимпиадада кыргыз элин кубанычка бөлөп, спорттук майрам тартуулаган Айсулуу Тыныбековга калың эл ыраазы болуп турган чагы. 

Айсулуу катары менен эки ирет атаандаштарын жерге жыгып жатканда өзгөчө эки көзүбүз төрт болуп, маңдайыбыз жарыла кубандык эле, андан ары эки ирет жеңилип, алтынга жетпей калды

Олимпиада 2016. Вольная борьба. Женщины. Весовая категория до 58кг - Sputnik Кыргызстан
Аялдын сырттаны Айсулуу: соцтармактын күйүүсү менен сүйүүсү
Бирок балбан кыз кыргыз журтчулугунун ынтымагын арттырып, беш манжа элди бир билекке бириктирди. Шаар, кыштак дебей көгүлтүр экрандын түбүнө чогултту. 

Ал ортодо Айсулуунун эрдигине эреркеп, "балп" эте убадалар айтылды. Sputnik Кыргызстан агенттиги берилген убадаларды бир сапка тизип, Айсулууну мекенине кайтары менен кандай жакшылыктар күтүп жаткандыгына кызыгып көрдү. 

Бул тизмектин сап башына КРдин эмгек сиңирген ырчысы, атактуу обончу Сыймык Бейшекеев чыгат. Ырчы байкебиз Айсулуу Тыныбекова алтын алса обон жаратып, Айсулууну клипке тартууну жар салды. Айсулуу алтын албаса да, Сыймык байкебиз демилгесин ишке ашырат деп үмүт кылалы. 

Тамадалар Нурзат Токтосунова менен Мирбек Мырзабековдор Айсулуунун тоюнда акысыз тамада болуп берүүгө даяр.

Акын Сайрагүл Жолборсова болсо ыр жазам деп камынып турат. 

Ырчы айым Адинай Исаева Айсулуунун тоюнда акысыз жар-жар айтам дейт. 

Сүрөтчү Улан Асаналиев тойдун видеосун жана фотосун өз мойнуна алат. 

Журналист Жакшылык Матанов үлпөттөгү унааларды көтөрүүгө даяр экендигин жар салды. 

"Аю холдинг" компаниясынын вице-президенти Балбак Түлөбаев аталган компания Айсулууга белек берүү маселесин карап жатканын кошумчалайт. 

Ал эми Кайрат Бекмамбетов Айсулуу Тыныбекова үчүн жалпы журттан тыйын чогултуу демилгесин көтөрүүдө. 

Эске сала кетсек, буга чейин мамлекет Олимпиадада 5-орун алгандарга 1 миллион сом бермей болгон.

Айсулуу Тыныбекова тууралуу кызыктуу 5 фактыны Sputnik Кыргызстандын материалынан окуй аласыздар>>

Жаңылыктар түрмөгү
0