Ошто авариялык абалда конгон Boeing-737 учагы боюнча иликтөөнүн жыйынтыгы чыкты

© Фото / пресс-служба МЧС КРОш аэропортуна авариялык абалда конгон Avia Traffic Company компаниясынын Boeing-737 учагы. Архив
Ош аэропортуна авариялык абалда конгон Avia Traffic Company компаниясынын Boeing-737 учагы. Архив - Sputnik Кыргызстан
Жазылуу
Аталган эксперттик иликтөөнү Мамлекеттер аралык авиациалык комитетинин атайын комиссиясы жүргүзгөн.

БИШКЕК, 17-авг. — Sputnik. Мамлекеттер аралык авиациалык комитеттин комиссиясы (МАК) 2015-жылдын 22-ноябрында Ош аэропортуна авариялык абалда конгон Avia Traffic Company компаниясынын Boeing-737 учагы боюнча изилдөөсүн жыйынтыктады. Бул тууралуу аталган авиациалык коммитеттин расмий сайтында кабарланат. 

Emirates авиакомпаниясынын учактары. Архив - Sputnik Кыргызстан
Дубайда конуп жаткан учактан кара түтүн чыгып, бардык учуулар токтотулду
Эске сала кетсек, 2015-жылы 22-ноябрда саат 7.43тө Avia Traffic Company ишканасынын "Боинг-737" учагы Ош шаарындагы аэропортко авариялык абалда конгон. Тилкеден чыгып кеткен аба кемесинин дөңгөлөктөрү жана канаты талкаланган. Ичинде 153 жүргүнчү менен экипаждын 6 мүчөсү бар болчу. Алты адам жабыркап, анын төртөө ооруканага жаткырылган.

"Экипаж Бишкектен экинчи ирет учуп жатканда аба ырайына анча көңүл бөлгөн эмес. Ош шаарында аба ырайынын өзгөрүп кетиши да эске алынбаган. Ал эми капитандын эки айлампа менен тумандуу аба ырайында учууга тажрыйбасы аздык кылган. Мындан сырткары, экипаж 13 саат уктабагандыктан конуу учурунда бир канча кемчиликтерди кетирген", — деп айтылат маалыматта.

Буга чейин учактын бир кыймылдаткычы үч миң метр бийикте эле белгисиз себептерден улам бузулганын КР Башкы прокуратурасы билдирген. 

Ал эми Жарандык авиация агенттигинин директорунун орун басары Мураталы Токтобеков буга чейин МАКтын өкүлдөрү келип, атайын иликтөө жүргүзгөнүн, аталган иликтөөнүн корутундусу транспорттук прокуратурага жөнөтүлөрүн кошумчалады.

Жаңылыктар түрмөгү
0