"Кызыл өрүк": ырдын автору арак чыгарган компанияны сотко бергени жатат

© Фото / Мирлан АлыкуловСтроки из известной песни "Кызыл орук" на упаковке водки компании "Аю"
Строки из известной песни Кызыл орук на упаковке водки компании Аю - Sputnik Кыргызстан
Жазылуу
Доочу буга чейин компания өкүлдөрүнө эскертүү бергенин белгилейт. Ал эми экинчи тарап эл оозунда айтылып жүргөн сөздү гана колдонгонун жүйө келтирүүдө.

БИШКЕК, 12-авг. — Sputnik. "Кызыл өрүк" ырынын автору Мирлан Алыкулов "Аю" компаниясын сотко берери тууралуу Sputnik Кыргызстан агенттигине билдирди. 

Анын айтымына караганда "Кызыл өрүк" аттуу ырдын текстин компания автордун уруксатысыз арактын сыртына жазып пайдаланган. 

"Ырдын текстине Кыргыз патенттен автордук укугумду каттаткам. Себеби, буга чейин казактар менен дагы соттошууга туура келген. Эми "Аю" компаниясын 100 миң доллар өлчөмүндөгү суммага сотко берүү үчүн кагаздарды даярдап жатам", — деп билдирди Алыкулов. 

© Фото / Мирлан АлыкуловАвтордун патенти
Нарушение авторских прав песни Кызыл орук - Sputnik Кыргызстан
Автордун патенти

Обончунун айтымында, буга чейин компанияга эскертүү берилген. 

"Компанияга ишенимдүү адамымды жиберсем "биздин адвокаттар күчтүү, колуңан эч нерсе келбейт" деп коюшуптур. Ошондон бери бир жыл өттү, аракты дагы деле чыгарып жатышат", — деп белгиледи Алыкулов. 

Sputnik Кыргызстан агенттиги "Аю" компаниясынын вице-президенти Балбак Түлөбаевге кайрылганда айрым кишилер компаниядан акча өндүрүп алууну каалап жатканын билдирди. 

Сот таразасы. Архив - Sputnik Кыргызстан
Жергиликтүү соттордун жаңы судьяларына мыйзам чегинде гана иш алып баруу тапшырылды
"Биздин компания элге, спортко, мамлекетке жардам берип жатса, айрымдар компания укмуш байып кетти деп акча өндүрүүнү ойлонуп жатышса керек. Экинчиден, аракты басып койсо музыка чыгып жатса бир жөн. Сотко берем десе өз эрки. Биз эл оозунда айтылып жүргөн сөздү гана колдонгонбуз", — деп белгиледи Түлөбаев. 

Ал эми "Вигенс" укуктук борборунун президенти Владимир Плужниктин айтымында, ырдын автору компанияны сотко берсе жеңип чыгарын ырастады.

"Эгер ырдын автору автордук укугун каттаткан болсо, соттон сөзсүз түрдө жеңип чыгат. Бирок 100 миң доллар эмес, ашып кетсе 100 миң сом ала алат", — деп белгиледи Плужник. 

Белгилей кетсек, "Кызыл өрүк" ырын Мирлан Баеков аттуу ырчы аткарып келет.

Жаңылыктар түрмөгү
0