БИШКЕК, 10-авг. — Sputnik. Айыл чарба тамак аш өнөр жайы жана мелиорация министрлиги ундун сапатын байытууга багытталган мыйзамды ишке ашыруу үчүн токтом долбоорун сунуштап жатат. Документтин долбоору коомдук талкууга коюлду.
Министрлик ундун сапатын жакшыртуу менен бир катар оорулардын санын азайтууга шарт түзүлөрүн билдирет. Бул үчүн премикс колдонгон ун комбинаттарына мониторинг жүргүзүү жана сапатын байытуу үчүн борборлоштурулган сатып алууларды уюштуруу зарыл экени белгиленет.
Учурда Саламаттык сактоо министрлигинин лабораторияларында премикстин сапатын текшерүү сунушталып жатат. Ошондой эле курамы байытылган унду колдонуу маанилүү экенин коомчулукка түшүндүрүү үчүн маалыматтык колдоо керек экени белгиленет.
Маалыматка караганда ундун сапатын байытуу аркылуу кайра иштетүү маалында жоголгон витаминдерди калыбына келтирет.