БИШКЕК, 9-авг. — Sputnik. Ысык-Көл облусунан ажылык сапарга бара турган жарандарга ажылыктын шарттары боюнча сабактар башталганын муфтият билдирди.
Сабак Ак-Суу районунда жана Каракол, Балыкчы, Чолпон-Ата шаарларында уюштурулуп, ажылык сапардын жол-жоболору, шарттары менен милдеттемелер окутулууда. Ажыларга сабак электрондук түрдө өтүп, КМДБнын фатва бөлүмүнүн башчысы Равшан ажы Эратов ар бирин кеңири түрдө түшүндүрүп берүүдө.
Белгилей кетсек, быйылкы жылы ажылык сапарга зыяратчыларды жөнөтүү 16-августта башталат.