"Бикини сулуусу" Саадат: мектепке даярданып жатам

© Фото / Наталья Осинская"Бикини сулуусу-2016" сынагынын жеңүүчүсү Саадат Асылбекова. Архив
Бикини сулуусу-2016 сынагынын жеңүүчүсү Саадат Асылбекова. Архив - Sputnik Кыргызстан
Жазылуу
"Бикини сулуусу-2016" конкурсун жеңип алган бийкеч Sputnik Кыргызстан агенттигине ой бөлүштү.

БИШКЕК, 28-июл. — Sputnik. Шаршемби күнү Бишкекте "Бикини сулуусу-2016" конкурсу өтүп, финалда 13 сулуу биринчи орун үчүн ат салышты. Конкурстун жыйынтыгы менен 16 жаштагы Саадат Асылбекова жеңүүчү деп табылды

Жеңиш ээси Sputnik Кыргызстан агенттигине өзүнүн пландары менен бөлүштү.

© Sputnik / Табылды КадырбековСаадат Асылбекова (солдо) "Бикини сулуусу 2016" конкурсунда
Конкурс Мисс Бикини 2016 в Бишкеке - Sputnik Кыргызстан
Саадат Асылбекова (солдо) "Бикини сулуусу 2016" конкурсунда

— Сизди жеңүүчү деп атаганда кандай сезимге туш болдуңуз?
— Конкурсту жеңип алам деп ойлогон эмесмин, атаандаштарым абдан күчтүү болчу. Андыктан таажы мага тиет деп эч ойлогон эмесмин. Алдыңкы беш сулуунун катарына кирсем эле болду деп жаткам. Башында ишенбей, кийин аябай кубандым. Бул жеңишти апама арнайм. Мени колдогон жакындарыма рахмат айтам.

— Эми кандай пландарды куруп жатасыз?
— Шанхай шаарында сентябрда боло турган "Мисс Бикини Universal" эл аралык конкурсуна даярданам. Ошондой эле мектепке дагы даярданышым керек. Окуу 20-августта башталат.

— Эң негизги кыялыңыз эмне?
— Эл аралык деңгээлдеги эң мыкты модель болуу. Ал үчүн эки жылдан бери даярдыктарды көрүп келем.

© Sputnik / Табылды КадырбековСаадат Асылбекова (ортодо) "Бикини сулуусу 2016" конкурсунда дефиле учурунда
Конкурс Мисс Бикини 2016 в Бишкеке - Sputnik Кыргызстан
Саадат Асылбекова (ортодо) "Бикини сулуусу 2016" конкурсунда дефиле учурунда

— Мындай сулуу кыздын артынан чуркагандар көп болсо керек. Жигитиңиз кандай сапаттарга ээ болушу керек?
— Азыр сүйлөшкөн жигитим жок. Негизинен менин жигитим жөнөкөй болуп, адамкерчиликтүү, мээримдүү болсо жетиштүү.

— Жеңишке жеткенден кийин жылдыз оорусун өзүңүздөн байкай алдыңызбы?
— Жок. Тескерисинче мага аябай көңүл бурулушун каалаган жокмун. Жылдыз оорусу менен оорубайм деп айта алам.

"Бикини сулуусу 2016" конкурсунда тартылган сүрөттөрдү Sputnik Кыргызстан агенттигинин сүрөт баянынан көрүңүз>>

Жаңылыктар түрмөгү
0