БИШКЕК, 21-июл. — Sputnik. Бишкектеги күркөлөрдүн көрүнүшүн жакшыртуу үчүн бир нече эскиздин түрлөрү даярдалгандыгы тууралуу Бишкек башкы архитектуранын маалымат кызматынан билдиришти.
Маалыматка караганда учурдагы гезит, журнал сатылган күркөлөр 70-80-жылдары орнотулуп, эскилиги жеткен.
"Күркөлөрдүн жаңы түрү гезит менен журналдарды сатуу менен чектелбейт. Сүт азыктары сатылып, бут кийим тигүү кызматтарын көрсөткөн күркөлөр дагы ачылат", — деп айтылат маалыматта.
Мындай иш-чаралар Дүйнөлүк көчмөндөр оюндары менен Кыргызстандын 25 жылдыгына карата жасалганы жаткандыгы белгиленет.
