Жогорку соттун 7-апрель окуясы боюнча отуруму 28-июлга жылды

© AFP / VYACHESLAV OSELEDKO7 апрель окуясында курман болгондор. Архив
7 апрель окуясында курман болгондор. Архив - Sputnik Кыргызстан
Жазылуу
Буга чейин Аскер сотунун чечимине макул болбогон жабырлануучу тарап менен Башкы прокуратура Жогорку сотко аппеляциялык арыз менен кайрылган.

БИШКЕК, 20-июл. — Sputnik. Жогорку соттун 7-апрель боюнча отуруму 28-июлга жылды. Бул тууралуу Sputnik Кыргызстан агенттигине жабырлануучулардын адвокаты Осунбек Жамансариев билдирди. 

Ала-Тоо аянтындагы апрель революциясынын катышуучулары. Архив - Sputnik Кыргызстан
Апрель революциясынан жабыркаган 630 адам жөлөк пул алып келет
Маалыматка ылайык, үстүбүздөгү жылдын 23-май күнү Аскер соту апрель окуясы боюнча соттолгон Алмазбек Жолдошалиевге, Каныбек Жороевге, Элмурза Сатыбалдиевге, Нурлан Турсункуловге, Мурат Суталиновго, Нурлан Темирбаевге жана Данияр Дунгановго карата мунапыс кабыл алган. Мындан сырткары Аскер соту Курманбек Бакиевди, Жаныш Бакиевди жана Данияр Үсөновду өмүр бою эркинен ажыратып, Марат Бакиевди 10 жылга кескен.

Аталган чечимдерге макул болбогон жабырлануучулардын адвокаттары жана Башкы прокуратура Жогорку сотко аппеляциялык арыз жазган. 

Сот отурумунун жүрүшүндө Жамансариев сот процессин алты айга узартууну өтүнгөнүн, бирок колдоо таппаганын кошумчалады. 

Жаңылыктар түрмөгү
0