Сариева кесиптик мектептердин шалаакы башчыларын кетирүүнү тапшырды

© пресс-служба Минобрнауки КРБилим берүү жана илим министри Элвира Сариева. Архив
Билим берүү жана илим министри Элвира Сариева. Архив - Sputnik Кыргызстан
Жазылуу
Директорлордун шалаакы мамилесинен улам кесиптик окуу жайдын бүтүрүүчүлөрүнүн университеттерге тапшырууда аттестат ала албай калуу коркунучу жаралган.

БИШКЕК, 7-июл. — Sputnik. Билим берүү жана илим министри Элвира Сариева мамлекеттик аттестацияны өткөрүүгө көңүл кош мамиле кылган кесиптик окуу жайлардын директорлорун кызматтан алууну тапшырды. Бул тууралуу аталган министрликтин маалымат кызматы билдирди.

Гонконг шаары. Архив - Sputnik Кыргызстан
Гонконгдогу математика боюнча олимпиадага Кыргызстандан 6 окуучу катышып жатат
Ага ылайык, министрликте мамлекеттик аттестациянын нормаларын маалында аткарбаган жана тийиштүү мамлекеттик сертификаттары жок иштеген окуу жайлардын маселеси талкууланды.

Сариева кесиптик окуу жайлардын башчылары мамлекеттик аттестацияны өткөрүүдө керт башы менен жооп берерин баса белгиледи. Себеби директорлордун шалаакы мамилесинен улам кесиптик окуу жайдын бүтүрүүчүлөрү университеттерге тапшырууда аттестат ала албай калышы мүмкүн.

Андыктан Билим берүү министрлигинин алдындагы башталгыч жана кесиптик билим берүү агенттигинин башчысы Таалайбек Чолпонкуловго мыйзамды бузган лицей жетекчилерине катуу чара көрүү, керек болсо кызматтан алуу тапшырылды.

Жаңылыктар түрмөгү
0