21:09 24 Тогуздун айы 2021
Түз эфир
  • USD84.7875
  • EUR98.7011
  • RUB1.1965
Коом
Кыскача шилтеме алуу
186 0 0

Нарын облусунун Кара-Саз айылынын тургундары чачын кайда кырктырып, таштандыдан кантип арыларын Sputnik кабарчысы билип көрдү.

Талант Тилен уулу атына заты жарашкан жарашкан жигиттерден. 26 жаштагы үч баланын атасы айылын өнүктүрүп, элге жардам берүүнүн сырын жакшы билет. Тилек — каптап келе жаткан суудан айылды аман алып калган эр жүрөктөрдүн бири.

— Нарынды суук дейт, алыскы деп коет, айтор Кара-Саз айылында жашоо кандай?

— Айыл турмушу дайыма эле татаал болчу. Мисалы, Бишкекте ысык суу бир эле айга өчөрүн билем. Бизде болсо ал өмүрү болгон эмес. Албетте, колунан келгендер ваннага суу жылыткыч орнотуп алышат дечи, бирок андайлар бирин-серин эле. 

Көпчүлүк мончого барат. Бизде көп нерсе жок. Кийим-кече же тамак-аш сатып алыш үчүн 15 чакырым жерге барышыбыз керек. Айрымдары машина менен барса, көпчүлүгү атчан жүрөт. 

Активист из села Каразас Нарынской области Талант Тилен уулу.
© Фото / Жазгуль Ибраимова
Талант Тилен уулу: Айыл турмушу дайыма эле татаал болчу. Мисалы, Бишкекте ысык суу бир эле айга өчөрүн билем. Бизде болсо ал өмүрү болгон эмес

Албетте, турмуш шартыбыз ыңгайлуу деш кыйын. Бирок биз, айылдыктар, аны өзүбүз жакшыртканга аракет кылабыз. Мисалы, жакында биз борбордук көчөлөргө жарык өткөрдүк. Айыл жаштары менен бирге отургучтарды орнотуп, карагай-балатыларды тигип койдук. 

— Жүрөк өйүткөн маселе барбы?

— Мени баарынан кыжалат кылганы, элдин таштанды ыргытар жери жок болчу. Айылда бир да жаман-жуман нерселерди сала турган челек жок эле! Кагаз-кугаздарды же дарбыздын кабыгын турган жерлерине деле таштап коюшчу. Таштандынын баарын айылдын сыртына чыгарып, ал жакта жөн эле тоо болуп үйүлүп калган эле.

Ушул нерсе жаныма батып кетти. Жаштары өнүктүрүү институту грант жарыялаганын билип, таштанды үчүн челектерди орнотуу боюча долбоор жаздым да, утуп алдым. Албетте, донорлордун эле жардамына иштенип отура берген болбойт. 

Биз балдар менен чогулуп алып, эл арасында айылды таза кармоонун мааниси жөнүндө тарбиялык иштерди жүргүзө баштадык. Таштандыны кайда, кантип чыгарууну ойлонуштурдук. Анан бул ишке көз сала турган кишини дайындап койдук. 

— Акчаны кантип табасыз? 

— Мен куткаруучу болуп иштейм. Жакында бизде бир кырсык болду. Мурап суу каптап келе жатат деп кабарлап калды. Окуя болгон жерге дароо чогулдук. Сегиз киши эле, суу күчөп эле келе жатат десеңиз! Сууну сегиз саат бою бир тыным албай сузуп төгүп жатып, крсыкты болтурган жокпуз. 

Мусорные баки в селе Каразас Нарынской области организованные активистом Талантом Тилен уулу
© Фото / предоставлено Талантом Тилен уулу
Талант Тилен уулу: Жаштары өнүктүрүү институту грант жарыялаганын билип, таштанды үчүн челектерди орнотуу боюча долбоор жаздым да, утуп алдым. Албетте, донорлордун эле жардамына иштенип отура берген болбойт

— Келечекке пландарыңыз барбы?

— Демөөрчүлөр менен бирге жакында арыктарды тазалоочу жана иче турган суунун кошумча булактарын түзүүчү система орнотобуз. Жумушчулардын эмгек акысын төлөш үчүн эл аралык уюм бизге 1000 литр өсүмдүк майын жана 7 тонна ун бөлүп берген. 

— Азык-түлүк үчүн эл иштейби анан? 

— Ооба. Бул кандай болсо да жардам. Жакыр үй-бүлөлөр иши кылса иштеп бир нерсе таап алууга муктаж.

Маектешкен Асель Абдашинова

Тема боюнча

Эргежээл шоумен: сүйүктүүмө 101 роза сатып алып, көтөрө албай кыйналгам
Кыял Төрөгулова: Хүрремдин толготконун тердеп-кургап араң коштогом
Белгилер:
Нарын облусу, суу, айыл, турмуш

ЭҢ МААНИЛҮҮ