Бишкектин Панфилов көчөсүндөгү үйдүн өрттөнүшүнөн 15 үй-бүлө турак жайсыз калды

© Sputnik / Акылбек БатырбековБишкектин Панфилов көчөсүндөгү үйдүн өрттөнүшүнөн кийин. Архив
Бишкектин Панфилов көчөсүндөгү үйдүн өрттөнүшүнөн кийин. Архив - Sputnik Кыргызстан
Жазылуу
Имарат ушу кезге чейин курчоого алынып, эксперттер кырсыктын себебин аныктап жатат.

БИШКЕК, 29-июн. — Sputnik. Бишкектин Панфилов көчөсүндөгү үйдүн өрттөнүшүнөн 15 үй-бүлө турак жайсыз калды. Бул тууралуу Sputnik Кыргызстан агенттигине Borsan construction компаниясынын жетекчиси Нурлан Ажиев билдирди. 

Эскерте кетсек, 23-июнь күнү саат 20.30да 12 кабаттуу үйдөн өрт чыгып, болжол менен 3000 чарчы метр аянттагы чатыры, пентхаустагы батирлер күйүп кеткен.

"Бизди өрт болгон жерге азырынча киргизбей жатат. Ал жакта соттук эксперттер иштөөдө. Учурда 15 үй-бүлө турак жайсыз калды. Аларга ижарага батир алып бердик. Калгандары туугандарын баш пааналап турушат. Биз баарын калыбына келтирүүгө даярбыз", — деди Ажиев. 

Мамлекеттик соттук экспертиза борборунун жетекчисинин орун басары Аида Кадырованын айтымында, окуя болгон жерде эксперттер иштеп жатат. 

"Кырсык болгон жерге өзүм барып, абал менен таанышып келдим. Иш соңуна чыгып калды. Эки күн ичинде курчоону алабыз", — деди Кадырова. 

Ал бардык алынган маалыматтар тергөөчүлөргө өткөрүлүп берилерин кошумчалады. 

Буга чейин Borsan construction компаниясынын директору үйдү бирөөлөр атайылып күйгүзүшү мүмкүн деген. 

Өрткө кабылган үйдүн күйүп кеткенден кийинки асмандан көрүнүшүн Sputnik Кыргызстан видеосунан көрүңүз>>

Жаңылыктар түрмөгү
0