Кадыр Маликов: исламда бачабаздарды өлүм жазасы менен жазалайт

Жазылуу
Теолог аталган кылмышты жасагандар сөзсүз жазаланыш керек деген ойдо.

БИШКЕК, 26-июн. — Sputnik. Теолог Кадыр Маликов Facebook социалдык тармагындагы өздүк баракчасына бачабаздарга өлүм жазасын киргизүү керектигин жазып чыкты. 

Ал мындай пикирин Сузактагы мечит кызматкеринин бачабаздыкка шектелип кармалышынан улам айткан.

"Бачабаздык адамдын улутуна, туткан динине карабастан оор жазаланышы керек. Сузактагы имамдын бачабаздыкка шектелип кармалышы боюнча өлкөдөгү дин аалымдары пикир айтпай жатканы өкүнүчтүү. Исламда бул кылмыш өлүм жазасы менен жазаланат", — деп жазат Маликов. 

Ал имамдарды кызматка алууда тыкыр иликтөө керектигин кошумчалайт. 

Абак. Архив - Sputnik Кыргызстан
Кызын зордуктап жүргөн өгөй ата өмүр бою эркинен ажыратылды
"Эгерде бачабаздын кылмышы далилденсе, ага карата өлүм жазасын киргизүү керек деген ойдомун. Ал адамдар исламды уяткарып жатышат. Мен кай бир кылмыштарга өлүм жазасын киргизүүнү колдойм. Албетте, эгерде сот адилеттүү болсо гана", — дейт теолог. 

Ал бачабаздар жазаны алмайынча бошотулбаш керектигин кошумчалайт. 

Эске сала кетсек, 19-июнь күнү Сузак районуна караштуу Сузак айыл өкмөтүндөгү мечиттин 58 жаштагы имамы 10 жашар баланы зордуктап келген деген шек менен кармалган. 

Бачабаздар башка мамлекеттерде кандай жазаланарын Sputnik Кыргызстан агенттиги даярдаган төмөнкү материалдан көрсөңүз болот>>

Жаңылыктар түрмөгү
0