18:39 20 Теке 2019
Түз эфир
  • USD69.6517
  • EUR78.3651
  • RUB1.1079
Этти текшерүү. Архив

Министр: WhatsApp аркылуу күйдүргү боюнча тараган кабар чагымчылдык болушу мүмкүн

© Sputnik / Александр Кряжев
Коом
Кыскача шилтеме алуу
16410

Социалдык тармак аркылуу тараган маалыматта күйдүргүдөн киши өлгөндүгү айтылып, базарлардан эт сатып албагыла деген чакырыктар болгон. Бирок, анда Кыргызстанда деген сөз айтылган эмес.

БИШКЕК, 25-июн. — Sputnik. Саламаттыкты сактоо министри Талант Батырлиев күйдүргүдөн ооруканада кишилер өлүп жатат деген аудиомаалыматтар ага да келип түшкөндүгүн жана аны текшере келгенде жалган болуп чыккандыгын Sputnik Кыргызстан агенттигине айтты.

Буга чейин WhatsApp аркылуу келген маалыматтарда жугуштуу илдеттер боюнча ооруканага кишилердин түшүп, күйдүргүдөн каза болгондугу, базарлардан эт сатып албагыла деген эскертүү айтылган. А бирок, ал жерде Кыргызстан деген сөз кездешкен эмес.

Министр Батыралиев мындай маалыматтан кийин Бишкектеги жугуштуу оорулар боюнча республикалык ооруканадан тарта бардык ооруканаларды текшерилгендигин, аларда эч кандай күйдүргү жарасы менен жаткан жарандар табылбагандыгын айтты.

"Күйдүргүдөн киши өлдү деген маалыматтар тастыкталган жок. Кыязы, бул коңшу мамлекеттеги абалдан улам чыгып жаткан окшойт. Таратылган маалыматтар чагымчылдык болушу мүмкүн. Учурда тартип коргоо органдары менен биргеликте бул кабар боюнча иликтөө иштерин жүргүзүп жатат",— деп Батыралиев билдирди.

Буга чейин Бишкектеги жугуштуу оорулар боюнча республикалык оорукананын башкы дарыгери Гүлжигит Аалиев күйдүргү боюнча маалыматты төгүнгө чыгарган.

Жылдын башында, январда чочко тумоосу боюнча жогорудагыдай маанайдагы маалымат тарап кеткен. Анда да Саламаттыкты сактоо министри анын жалган экендигин айтып, төгүндөгөн.

Тема боюнча

Башкы дарыгер: ооруканага күйдүргү менен түшкөндөр да, каза болгондор да жок
Күйдүргүгө шектелген Сузактын тургуну дартка чалдыкканы аныкталды
Белгилер:
WhatsApp, оорукана, күйдүргү, Гүлжигит Аалиев, Талант Батыралиев

ЭҢ МААНИЛҮҮ