Максим Бакиев Англияда киши өлтүрүүгө аракет кылды деп соттолуп жатат

© AP Photo / Sultan DosaliyevКыргызстандын качкын президенти Курманбек Бакиевдин уулу Максим Бакиев. Архив
Кыргызстандын качкын президенти Курманбек Бакиевдин уулу Максим Бакиев. Архив - Sputnik Кыргызстан
Жазылуу
Качкын президенттин уулун киши өлтүрүүгө аракет кылган деп Кыргызстандын соту да 25 жылга эркинен ажыраткан. Шон Дейли компенсация өндүрүү талабы менен сотко кайрылган.

БИШКЕК, 23-июн. — Sputnik. Англиялык ишкер Кыргызстандын качкын президенти Курманбек Бакиевдин уулу Максимдин үстүнөн сотко кайрылганын The Daily Mail басылмасы билдирди.

Кишен. Архив - Sputnik Кыргызстан
Ой жеткен менен кол жетпей… Кыргызстандын колуна тийбей жаткан кылмышкерлер
Аталган бизнесмен 2006-жылы Кыргызстандагы англиялык алтын казган Oxus Gold компаниясында иштеп келген. Филармониянын жанындагы ресторандын биринен чыгып келе жатканда ок жеген.

Басылманын маалыматы боюнча кол салуудан бир күн мурун ал Жер-Үй алтын кенин иштетүү үчүн укук алууга аракет кылган атаандаш компанияга каршы соттук ишти утуп алган. Сотто жеңилип калган компания Максим Бакиев менен жең ичинен сүйлөшүп алганы айтылып келет.

"Кол салуудан кийин Бакиев менен сүйлөшкөн компания лицензияга ээ болгон", — деп жазат басылма.

Британиялык ишкер өз мекенинде дарыланып, бирок ок тийген боору аягына чейин айыккан эмес. Шон Дейли кол салууга Бакиевдин катыштыгы бар экенинен күмөн санабайт. Басылма бизнесмен компенсация өндүрүү үчүн сотко кайрылып жатканын белгилейт. 

Интерпол тарабынан изделген Кыргызстандын "абройлуу" кылмышкерлери
Ал эми Кыргызстанда Бишкектин Биринчи Май райондук соту 2014-жылы мурунку президент Курманбек Бакиев менен анын үй-бүлө мүчөлөрүн — Жаныбек (Жаныш) Бакиев, уулдары Марат жана Максим Бакиевди кен казуучу Oxus Gold компаниясынын өкүлү, АКШ жараны Шон Дейлини өлтүрүүгө аракет кылган деп айып койгон. Мындан улам мурунку өлкө башчы 25 жылга кесилсе, Улуттук коопсуздук кызматынын ошол кездеги жетекчиси Жаныш Бакиев менен Максим Бакиев мүлкүн конфискациялоо менен өмүр бою эркинен ажыратылган. Ал эми УКК төрагасынын ошол кездеги орун басары Марат Бакиев 20 жылга кесилген.

Жаңылыктар түрмөгү
0