ИИМдин Оштогу башкы башкармалыгы жоюлду, кызматкерлер буйрук күтүп жатат

Жазылуу
Буга чейин башкармалыкта штаттык орунда тогуз кызматкер иштеп келген.

БИШКЕК, 21-июнь — Sputnik. ИИМдин Ош шаардык жана облустук башкы башкармалыгы жоюлуп, анын кызматкерлери башка бөлүмдөргө которулуу боюнча министрдин жаңы буйругун күтүп жатышат. Бул туурасында аталган башкармалыктын маалымат кызматынын жетекчиси Жеңиш Ашырбаев Sputnik Кыргызстан агенттигине кабарлады.

Ички иштер министри Кашкар Жунушалиев 14-июнда өткөргөн маалымат жыйында ИИМдин Ош шаардык жана облустук башкы башкармалыгы жоюларын билдирген.

"Аталган башкы башкармалыкты жоюу боюнча Ички иштер министринин буйругу 14-июнда чыккан. Буга чейин аталган мекемедеги штаттык орунда тогуз кызматкер иштеп келген. Учурда алар облустук жана шаардык ички иштер башкармалыкка которуу боюнча министрдин жаңы буйругун күтүп жатат", — деп айтты Ашырбаев.

ИИМдин Ош шаардык жана облустук башкы башкармалыгынынын жетекчиси Сүйүн Өмүрзаков 9-июнда ИИМдин биринчи орун басарлыгына дайындалып, Бишкек шаарына которулган.

Жаңылыктар түрмөгү
0