Бишкекте 1-июлдан тартып унаа токтотуучу жайлар акы алып иштейт. Баасы

Жазылуу
Коомдук талкууга коюлган токтомго ылайык, бул кадам шаардагы унаа токтотуучу жайларды бир нукка алып келүүгө багытталган.

БИШКЕК, 21-июн. — Sputnik. Бишкек шаарында 1-июлдан тарта унаа токтотуучу жайлар акы алып иштей башташы мүмкүн. Бул тууралуу мэриянын сайты кабарлайт. 

Коомдук талкууга коюлган токтомго ылайык, бул кадам шаардагы унаа токтотуучу жайларды бир нукка алып келүүгө багытталган. 

Автоунаа токтотуучу жай. Архив - Sputnik Кыргызстан
Бишкек унаа токтотуучу жай издеп жатат. Башка өлкөлөрдө абал кандай?
Долбоорго ылайык, акы жеңил унаалар үчүн 10 сом, жүргүнчү ташыган транспорт үчүн 20 сом, ал эми жүк ташуучу унаалар үчүн 50 сом болот. 

Ал эми машиналарды бир күнгө калтырып кетүү үчүн жеңил унааларга 50, жүргүнчү ташыган транспортко 70, жүк ташуучу унааларга 100 сом төлөнөт. 

Бишкек шаардык кеңешинин төрагасы Алмаз Кененбаев бул кадам унаа токтотуучу жайларды иретке келтирүүгө болгон кадам экенин билдирди. 

"Бир форманы кабыл алуу зарыл. Болбосо бир жерде акы алынса, бир жер акысыз иштейт. Токтом коомдук талкууда", — деди Кененбаев. 

Документке ылайык, мындан тышкары дагы жаңы унаа токтотуучу жайларды ачуу каралууда.

Жаңылыктар түрмөгү
0