БИШКЕК, 20-июн — Sputnik. Жалал-Абаддын Базар-Коргон районунун тургуну 455 килограмм жаңгак кабы (уюл) менен кармалды. Бул тууралуу Жалал-Абад облустук ички иштер башкармалыгы билдирди.
Маалыматка ылайык, үстүбүздөгү жылдын 18-июнь күнү Арсланбап айыл өкмөтүнүн 28 жаштагы тургунунун унаасын текшерүү учурунда жаңгак кабы алынган.
Аталган факт боюнча Кылмыш жаза кодексинин 279-1-беренеси боюнча (Бак-дарактарды жана бадалдарды мыйзамсыз кыюу) кылмыш иши козголду.
