09:24 04 Теке 2020
Түз эфир
  • USD77.1102
  • EUR86.6140
  • RUB1.0938
Коом
Кыскача шилтеме алуу
20520

Жол катар ал чарчаган жөө күлүктөргө дем берип, апасы эртең менен портфелине салып берген момпосуй-печеньелерди таратып берген.

БИШКЕК, 1-июн. — Sputnik. Мектеп окуучусу Бекжан Кармышаков жакында эле Ысык-Көлдө өткөн массалык чуркоодо кокусунан жарым марафондук аралыкты чуркап койгон. Бул тууралуу иш-чаранын уюштуруучусу Нурдан Жуманалиев билдирди.

Чолпон-Ата шаарында 14-майда бешинчи жолу Run The Silk Road эл аралык марафону өттү. Ага быйыл 1800 жөө күлүк катышты. Аталган иш-чара үчүн Бостери айылынан Темир айылына чейинки трассанын 20 чакырымы жабылган. 

Школьник Бекжан Кармышаков случайно пробежавший полумарафон на Иссык-Куле
© Фото / Нурлан Джуманалиев
Бекжанга кийинки марафонго катышуу үчүн сертификат ыйгарылып, "Билимкана" билим берүү мекемесинен окуу үчүн 50 пайыздык арзандатуу берилди

Темир айылынан кайтып келе жаткан жөө күлүктөргө алтынчы класстын окуучусу Бекжан Кармышаков кошулган. Жол катар ал жөө күлүктөргө дем берип, сүрөп, эртең менен апасы портфелине салып берген момпосуй-печенье менен аларды тойгузуп келген.

"Элдин баары чуркап жөнөдү, мен да калбай келе бердим. Апам эртең менен тамак-аш салып берген, аны балдарга таратып бердим. Мен күнүгө эртең менен чуркайм, ошон үчүн мындай аралык мага кеп деле эмес", — деп билдирди жеткинчек Sputnik Кыргызстан агенттигинин кабарчысына. 

Бекжан марафончу менен марага чейин чуркап келген.

Жуманалиев балага кийинки марафонго катышуу үчүн сертификат ыйгарылып, "Билимкана" билим берүү мекемесинен окуу үчүн 50 пайыздык арзандатуу берилгенин белгиледи.

"Бекжан Бишкектеги жеңил атлетика боюнча спорт мектебине чакырылды. Кийинки марафон үчүн ошол жактан даярданат. Баарыбызды таң калтырды. Чыдамсыздык менен күтөбүз", — деди Жуманалиев. 

Кармышаков кийинки чуркоодо 42 чакырымдык марафонго катыша турганын билдирди.

Тема боюнча

Көзү азиз марафончу: көрбөсөм эле колумдан эч нерсе келбей калмак беле
Күйөрмандар жана жөө күлүктөр. Ысык-Көлдөгү эл аралык марафон
Белгилер:
марафон, Run The Silk Road эл аралык марафон, Ысык-Көл

ЭҢ МААНИЛҮҮ