Кадамжайдагы селдин чыгымдары эсептелди

© пресс-служба МЧС КРКадамжайдагы сел алып кеткен унаалар
Кадамжайдагы сел алып кеткен унаалар - Sputnik Кыргызстан
Жазылуу
Табигый кырсык беш адамдын өмүрүн алып, дагы бир үч жашар бала изделүүдө.

БИШКЕК, 30-май — Sputnik. Кадамжайдагы селдин кесепетинен келтирилген чыгымдар эсептелди. Бул тууралуу ӨКМ билдирди. 

Эскерте кетсек, 27-май күнү Жийделик участкасында сел жүргөн. Мындан улам жолдо келе жаткан унаа сайга кулап, төрт чоң киши жана эки жашар бала каза болгон. Куткаруучулар андан тышкары алты жаштагы баланын өмүрүн сактап калууга жетишкен. Дагы бир үч жашар наристе изделип жатат.

Жарандык коргонуу комиссиясынын маалыматы боюнча 238 турак үй иликтенип, анын ичинен 84 турак үйдүн ичине суу кирген. Төрт турак жай авариялык абалда болуп, үч үй капиталдык ремонтко муктаж экени аныкталды.

"Мындан тышкары, жети турак жай кооптуу участкадан көчүрүүгө муктаж, 45 турак үй көзөмөлгө коюлду. Дагы 95 тамдын огородун жана 7 гектар үлүш жерди кум-шагыл баскан. Беш бодо мал өлгөнү аныкталды", — деп айтылат билдирүүдө.

Премьер Сооронбай Жээнбеков сел кырсыгынан жабыркаган аймак менен жери - Sputnik Кыргызстан
Премьер Сооронбай Жээнбеков сел кырсыгынан жабыркаган аймак менен жеринен таанышты
2016-жылдын 29-май күнү Ош шаардык мэриясы тарабынан селден жабыркаган тургундарга гуманитардык жардам катары 550 миң сомдук 20 тонна тамак-аш (ун, макарон, күрүч, май ж.б) түшүрүлдү. Кызыл жарым ай коомунан 35 жууркан, жаш балдарга кийим-кече берилген.

Селдин кесепетинен райондун аймагында 42 электр мамычалары селден кулап, 2260 метр электрчубалгылары үзгүлтүккө учурап, 4480 абанент электр жарыксыз калган. 

Жалпы жонунан 500дөн ашуун адам куткаруу жана калыбына келтирүү иштерин аткарышууда.

Жаңылыктар түрмөгү
0