03:30 18 Баш оона 2017
Түз эфир
ЖК депутаты Садык Шер-Нияз. Архив

Садык Шер-Нияз: Сариеваны күнөөлөбөйм деле, болгону трагедиябызды түшүнсө дедим

© Sputnik / Табылды Кадырбеков
Коом
Кыскача шилтеме алуу
38720

Депутаттын "Манас" эпосу боюнча министрден жооп ала албагандыгы жана дегеле бул суроонун атка минерге берилиши коомчулукта бир топ талкууну жаратты.

БИШКЕК, 26-май — Sputnik. Бүгүн кыргыз коомчулугу Билим берүү, илим министри баш болуп кыргыздын байыркы — "коломсок" жана "кирич" деген эки сөзүнүн маанисин түшүнүп алгандай болду.

ЖК депутаты Садык Шер-Нияз министр айым Элвира Сариевага "Манас" эпосундагы тексттин мааниси сурап, министр жооп бере албай, айтор, бул социалдык тармакта бир топ талкууну жаратты.

ЖК депутаты Садык Шер-Нияз Sputnik Кыргызстан маалымат агенттигине министрден бул эки сөздүн этимологиясын эмес, жалпы маанисин сурап жана коомчулуктагы трагедия туурасында коңгуроо кагайын деген ниети болгондугун айтты.

"Министр биздин трагедиябыз жөнүндө түшүнсө дедим. Мейли, айтылгандар эски, түшүнүүгө кыйын сөздөр экен. Аларды которуп бер деген киши жок, тек гана тексттин маанисин сурадым. Мен аны билбейсиң деп күнөөлөбөйм деле. Болгону, 30 жыл мурда жаш бала билген сөздөрдү бүгүнкү министр түшүнбөй жатпайбы. Бул биздин чоң трагедияга бара жатканыбыз",— деди ал.

Эл өкүлү "Манас" эпосун түшүнгөндөр бир нече жылдардан кийин азайып калышы мүмкүн деген кооптонуусун кошумчалады.

"Баарыбыз билбей, унутуп бара жатпайбызбы. Коркунучтуусу — "Манасты" билип, түшүнгөндөр отуз жылдан кийин азаят. Буга бүгүн күлкү менен карасак, эртең жагдай башкача болот",— деди депутат.

Жогорку Кеңеште бүгүн өкмөттүк саат өтүп, эл өкүлдөрү анда мамлекеттик тил маселесин да талкуулаган.

Тема боюнча

Садык Шер-Нияз Сариевадан экзамен алганда же "коломсок" менен "кирич" деген эмне?
Министр Сариева "Манастын" саптарын түшүнбөй койду
Белгилер:
Манас эпосу, кыргыз тили, депутат, Садык Шер-Нияз, Эльвира Сариева

ЭҢ МААНИЛҮҮ