03:23 18 Баш оона 2017
Түз эфир
YuTube сайтынын логотиби. Архив

Youtube сайтындагы видеолор кыргыз субтитрлери менен көрсөтүлө баштады

© flickr.com / Esther Vargas
Коом
Кыскача шилтеме алуу
122 0 0

Мындай жаңылык Google Translate котормосуна кыргыз тилинин киргенинен улам мүмкүн болду.

БИШКЕК, 26-май — Sputnik. Youtube порталындагы видеороликтерди эми кыргыз субтитрлери менен көрүүгө мүмкүн болорун Sputnik Кыргызстан агенттигине кыргыз тилин Google Translate котормочуга киргизүү менен алек болгон чыгармачыл топтун жетекчиси Чоробек Сааданбеков билдирди.

Анын айтымында, субтитрлер үчүн өзүнчө программа же тиркеме талап кылынган. Сааданбеков мындай жетишкендик кыргыз тилинин аталган котормо системасына киргенинен улам ишке ашкан. Февралдын орто ченинен баштап Google Translate 13 жаңы тил менен толукталып, эми которула турган тилдердин саны 130кө жетти.

"Котормо үчүн Youtube порталынан тышкары Google корпорациясынын башка долбоорлору да кыргыз тилин пайдалана алат. Кыргыз субтитрлери менен TEDx форматындагы видеону көрүп, анын маанисин түшүнүүгө болот", — деди Сааданбеков.

Ал субтитрлер бир ай мурун пайда болгонун белгиледи. Порталдын тилин которуу үчүн видеонун "Настройки" деген жерине кирип, котормо үчүн кыргыз тилин тандап алуу керек.

Эскерте кетсек, кыргыз тили Google Translate сервисине 2016-жылдын башында Google компаниясынын кыргызстандык адиси тилек Мамутовдун демилгеси менен кирген. Долбоорго 700 адамдан турган команда тартылган.

Алгач 6 миң фраза кирген. Учурда маалымат банкында бир миллион фраза жана төрт миллион сөз кирген. Котормочу менен каалаган киши пайдалана алат. Бирок Google Translate расмий котормо үчүн эмес, күнүмдүк турмушта пайдаланылуучу сөздөрдү гана которууга жөндөмдүү.

Тема боюнча

Чоробек Сааданбеков: Google Translate адистей кылып которбойт, аны машина которот
Кыргыз тили Google Translate тутумуна кирди
Белгилер:
видео, сөз, Google Translate, котормочу, YouTube

ЭҢ МААНИЛҮҮ