03:22 18 Баш оона 2017
Түз эфир
Кайгуул милиция кызматкери. АрхивМектеп бүтүрүүчүлөрү автоунаада. Архив

ИИМ: унаанын айнегинен башын чыгарып кыйкырган окуучуларга чара көрүлөт

© Sputnik / Табылды Кадырбеков © Sputnik / Алексей Мальгавко
1 / 2
Коом
Кыскача шилтеме алуу
125 0 0

Акыркы коңгуроо жана бүтүрүү кечелеринде Бишкектеги Манас айылы, флагшток сыяктуу белгилүү жайлар милиция тарабынан катуу көзөмөлгө алынат.

БИШКЕК, 26-май — Sputnik. Акыркы коңгуроо күнү унаалардан башын чыгарып, ышкырып, кыйкырган окуучуларга чара көрүлөт. Бул тууралуу ички иштер министринин орун басары Алмазбек Орозалиев Жогорку Кеңештеги өкмөттүк саат учурунда билдирди. 

Анын айтымына караганда 27-май акыркы коңгуроо күнү республика боюнча милициянын 3 миң 822 кызматкери тартипти көзөмөлгө алат.

"Белгилүү болгондой айдоочулар үчүн бейбаштык беренеси кабыл алынган. Ага ылайык унаа айнегинен башын чыгарып ышкырып, кыйкырган окуучуларга чара көрүлөт", — деп билдирди Орозалиев.

Ал ата-энелер менен алдын ала сүйлөшүүлөр жүргүзүлгөнүн белгиледи. 

"Ата-энелер менен жыйналыш өткөрүп балдарына унааларын бербөөгө үндөдүк. Эгер андай фактылар катталса унаа айып короого токтотуларын эскерттик", — деди Орозалиев.

Кафелерде кече уюштурууга тыюу салынганын белгилеген Орозалиев, акыркы коңгуроо жана бүтүрүү кечелеринде Бишкектеги Манас айылы, флагшток сыяктуу белгилүү жайлар милиция тарабынан катуу көзөмөлгө алынаарын кошумчалады. 

Тема боюнча

Окуучулардын акыркы коңгуроосунда күн жаашы мүмкүн
"Акыркы коңгуроо" учурунда тартипке 3500 милиция кызматкери көз салат
Белгилер:
чара, унаа, акыркы коңгуроо, ИИМ, Кыргызстан

ЭҢ МААНИЛҮҮ