03:27 18 Баш оона 2017
Түз эфир
Фемида таразасы. Архив

Сот "Кумтөр Оперейтинг Компаниге" каршы 6,7 млрд. сомдук доону канааттандырды

© Sputnik / Руслан Кривобок
Коом
Кыскача шилтеме алуу
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
6901

Экологиялык жана техникалык коопсуздук боюнча мамлекеттик инспекция "Кумтөр Оперейтинг Копманинин" үстүнөн төрт доо арыз берген. Анын жалпы суммасы 7 миллиард сомду түзгөн.

БИШКЕК, 26-май — Sputnik. Бишкектин район аралык соту Экологиялык жана техникалык коопсуздук боюнча мамлекеттик инспекциянын "Кумтөр Оперейтинг Компаниге" каршы 6,7 миллиард сомдук доо арызын канааттандырып берди. Бул тууралуу аталган инспекция билдирди.

Маалыматка ылайык, "Кумтөр Оперейтинг Компанинин" ишмердүүлүгүн текшерүүдө "Кумтөр" кенинде бир катар экологиялык жана техникалык ченемдердин, ошондой эле мыйзамдардын одоно бузулушу аныкталган. Келтирилген зыяндын суммасы 7 миллиард сомду түзгөн. Жалпысынан Бишкек район аралык сотко аталган компаниянын үстүнөн төрт арыз берилген.

"Кечээ арыздардын эң ириси — таштандыдан айлана-чөйрөгө келтирилген зыян боюнча иш каралды. Анын көлөмү 6 миллиард 698 миллион 878 миң сомду түзгөн. Сот арызды толугу менен канааттандыруу чечимин кабыл алды", — деп айтылат билдирүүдө.

Инспекциядан калган бардык доо арыздар май айынын аягына чейин карала турганын кошумчалашты. 

Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)

Тема боюнча

Райондор аралык сотто "Кумтөр Оперейтинг Компани" ишканасынын иши каралууда
Сот жана Кумтөр. Экологиялык жаңжал эмнеге алып келиши мүмкүн
Белгилер:
айлана-чөйрө, инспекция, сот, Кумтөр

ЭҢ МААНИЛҮҮ