БИШКЕК, 25-май — Sputnik. Жогорку Кеңештин КСДП фракциясынын депутаттары Жалал-Абаддын жакында суу каптап, жер көчкү жүргөн айылдарга барат. Бул туурасында аталган фракциянын катчылыгынан кабарлашты.
Алар алгач Сузактын Алмалуу-Булак айылына барып, жергиликтүү элди коопсуз аймакка көчүрүү боюнча жасалып жаткан иштер менен таанышат.
Бул жерде 27-апрелде кеч курун ири жер көчкү жүрүп, алты турак жайды жана 16 жашар баланы басып калган.
Эл өкүлдөрү ушул эле күнү Базар-Коргон районунда болуп, сел алып, учурда оңодолуп жаткан көпүрө жана жолдордун абалын көрөт.
28-майда КСДПчылар нөшөрлөгөн жамгырдан жабыр тарткан Аксы районундагы Кезарт, Чалдовар, Кара-Суу айылдарына барышат.
