Нарымбаев: прокурор эптеп жолун таап мени камагысы келүүдө

© Sputnik / Эркин АлымбековСоттолуп жаткан Данияр Нарымбаев. Архив
Соттолуп жаткан Данияр Нарымбаев. Архив - Sputnik Кыргызстан
Жазылуу
Соттолуп жаткан Данияр Нарымбаев ага коюлган күнөө боюнча кылмыштын курамы жок экенин билдирди.

БИШКЕК, 23-май — Sputnik. Мамлекеттик айыптоочу эптеп жолун таап, мени каматкысы келүүдө. Бул тууралуу соттолуп жаткан Нарымбаев жарыш сөзүн сүйлөп жатып билдирди.

Эске сала кетсек, бүгүн, 23-майда Бишкек шаардык сотунда президенттик аппараттын мурдагы жетекчиси Данияр Нарымбаев менен Жогорку Кеңештин экс-депутаты Хажимурат Коркмазовдун иши боюнча сот отуруму уланып, тараптар жарыш сөздөрүн сүйлөшүүдө.

Депутат Өмүрбек Текебаев. Архив - Sputnik Кыргызстан
Текебаев: Нарымбаев, Коркмазовдун ишин иликтеген прокурор шалаакылык кылган
Эң акыркы болуп сөз алган Нарымбаев ага коюлган күнөөлөр жөнсүз экенин билдирип, кылмыштын курамы жок экенин айтты.

"Мага жөн жерден күнөө коюп жатышат. Ал коюлган күнөөлөр жөнсүз. Тергөөчү тараптан күнөөлөр далилденген жок. Назгүл Түлеева жардам сурап кайрылганда маселе мыйзамдуу түрдө чечилет деп айткам. 100 миң доллар боюнча Коркмазов акча алып жатып кармалган. Кылмыштын толук курамы бар. Күбөлөрдүн баары аны далилдеп турат. Бирок сот аны эске албай, мени күнөөлөп кирди. Мындан сырткары, жок жерден мени 50 миң доллар акча алды деген айып чыга келди. Бул боюнча тергөө мыйзамсыз өткөрүлдү. Менин акча алганым далилдендиби? Жок", — деди Нарымбаев. 

Буга чейин жарыш сөзгө чыккан мамлекеттик айыптоочу Данияр Нарымбаевди күнөөлүү деп айыптап, Коркмазовду паракорду кармоого жардам берген деп атаган. Ал эми акыркы сөз алган Коркмазов акча алганы чын экенин, бирок аны Түлеевге жардам берүү максатында Нарымбаевге берүү үчүн алганын айткан.

Жаңылыктар түрмөгү
0