ӨКМ: Сузакта кайтадан көчкү жүрүү коркунучу бар

© Пресс-служба президента КР / Султан ДосалиевӨзгөчө кырдаалдар министри Кубатбек Боронов премьер-министр Сооронбай Жээнбеков менен болгон жолугушууда.
Өзгөчө кырдаалдар министри Кубатбек Боронов премьер-министр Сооронбай Жээнбеков менен болгон жолугушууда. - Sputnik Кыргызстан
Жазылуу
Жалал-Абад облусунун Сузак районунда бир нече жолу жер көчүп, бир баланы басып калган. Премьер-министр Сооронбай Жээнбеков кооптуу жерде жашагандарды ыкчам көчүрүүнү тапшырды.

БИШКЕК, 2-май — Sputnik. Сузак районунда жер көчкүнүн кайрадан жүрүүсү мүмкүн экенин Өзгөчө кырдаалдар министри Кубатбек Боронов премьер-министр Сооронбай Жээнбеков менен болгон жолугушууда маалымдаганын өкмөттүн маалымат кызматы билдирди.

Жер көчкү. Архив - Sputnik Кыргызстан
ӨКМ: Сузакта жер көчкү басып калган үй ээлерине компенсация берилбейт
Белгилей кетсек, буга чейин 27-29-апрель күндөрү Сузак районунун Алмалуу-Булак айылында бир нече жер көчкү жүргөн. 27-апрелде катары менен эки жолу жер көчүп, 16 жаштагы баланы басып калган. Эртеси көлөмү 2,5 миллион кубметр болгон дагы бир жолу жер көчкөн.

Өзгөчө кырдаалдар министри Жалал-Абад облусунун Сузак районундагы жер көчкүнүн кесепеттерин жоюу боюнча аткарылып жаткан иш чаралар тууралуу маалымат берди.

"Азыркы учурда жамгырлуу аба ырайын эске алганда, Сузак районунда жер көчкүнүн кайрадан кайталануусу мүмкүн. Учурда тургундарды көчүрүү иштери жүргүзүлүүдө. Азыр 5 үй-бүлө коопсуз жайга көчүрүлдү, дагы 73 үй-бүлөнү көчүрүү боюнча иштер аткарылууда", — деди Боронов.

Ошондой эле, мектептин окуу корпусу кооптуу жайда жайгашкандыктан толугу менен коопсуздук чаралары көрүлгонун кошумчалады.

Өкмөт башчы кооптуу аймакта жайгашкан үйлөрдү көчүрүү иштери ыкчам жүргүзүү зарылдыгын баса белгиледи. Ошондой эле өкмөттүн милдети — жарандардын коопсуздугу жана көчүрүлгөн үй-бүлөлөргө шарт түзүү экенин айтты.

Жаңылыктар түрмөгү
0