15:54 18 Бирдин айы 2020
Түз эфир
  • USD69.8500
  • EUR75.7558
  • RUB1.1033
Коом
Кыскача шилтеме алуу
Улуу Жеңиштин 71 жылдыгын белгилөө (48)
122 0 0

Бирок майрамдык иш-чаралар облус жана райондун борборлорунда өтөт.

БИШКЕК, 28-апр. — Sputnik. Быйыл 9-май Жеңиш күнүнө карата Кыргызстанда аскердик парад болбойт. Бул тууралуу өкмөттүн маалымат кызматы билдирди.

Өкмөттүн бекиткен планына ылайык, 9-майда облустун жана райондун борборлорунда Улуу Ата Мекендик согуштун 71-жылдыгына арналган майрамдык иш-чаралар өтөт.

Борбор калаадагы Жеңиш аянтында согуш ардагерлеринин, тыл эмгекчилеринин жана Бишкек гарнизонунун аскерлери менен калаа тургундарынын катышуусунда салтанат белгиленет. Ал концерт менен коштолот.

Иш-чаранын аягында салтка айланган аскер боткосу берилет. Андан сырткары, Бишкек мэриясы жана шаардык кеңештин депутаттары менен биргеликте "Өлбөс полк" жүрүшү болот. Ал саат 11:00дө эски аянтта башталат.

Майрамдык иш-чарага катыша албаган ардагерлерди мамлекеттик жана жергиликтүү өзүн-өзү башкаруу органдарынын жетекчилери үйүнө барып куттукташат.

Тема:
Улуу Жеңиштин 71 жылдыгын белгилөө (48)

Тема боюнча

Бишкектеги "Өлбөс полк" акциясы 9-майга жылды
Бишкектеги фонтандар шаар күнүнө карата иштетилет
Белгилер:
аскердик парад, майрам, Улуу Жеңиш, Бишкек мэриясы, Бишкек

ЭҢ МААНИЛҮҮ