БИШКЕК, 26-апр. — Sputnik. Чүй ИИББдин Кайгуул милиция башкармалыгы жүргүнчү ташыган автоунааларды атайын рейд учурунда текшерүүдө. Бул тууралуу Чүй ИИББдин маалымат кызматы билдирди.
Мындай текшерүү иштери жүргүнчү ташыган автоунаалардын айдоочулары тарабынан жол эрежесин бузуу көп болгондуктан жасалып жатканы билдирүүдө айтылат.
"Рейд учурунда жүргүнчү ташыган автоунаалардын (автобус, микроавтобус) техникалык, санитардык абалы, айдоочулар тууралуу маалыматтар да текшерилет", — деп маалымат кызматы билдирет.
Рейд башталган 12-апрелден бери 105 эреже бузуу аныкталып. Анын ичинен мас абалында автоунаа айдаган 16 факты, өтө ылдамдыкта айдаган 54 учур, техникалык кароодон өтпөгөн 28 автоунаа катталган.
