Секс-кулчулук: кыргыз кыздарына жасалган аңчылыктын 5 жолу

© flickr.com / HaifeezШиш такачан кыз. Архив
Шиш такачан кыз. Архив - Sputnik Кыргызстан
Жазылуу
Жакында эле кыргызстандык кызды Индиядагы секс-кулчулуктан бошотуп чыгышты. Sputnik Кыргызстан агенттиги кылмышкерлер кыздарды кантип тузакка илерин иликтеп көрдү.

БИШКЕК, 30-мар. — Sputnik. АКШнын мамлекеттик департаменти Кыргызстанды эркек-аял, кары-жаш дебей эмгекке мажбурлап, сексуалдык эксплуатация үчүн адам саткан өлкө катары баалайт.

Кечээ Индиянын полициясы аталган өлкөдө сойкулукка мажбурланган кыргызстандык кызды куткарып чыкты. Sputnik Кыргызстан агенттиги бул тузактан кантип кыйгап өтүү керектигин карап чыкты.

1. Кулчулукка алып баруучу кеңири тараган жолдорунун бири — чет мамлекетке жумушка чакыруу. Интернетте мындай жарыялардан баш адашат. Мында негизинен көп айлык акы, эстен кеткис эс алуу, иш күнүнүн өтө ийкемдүү графиги, кээде жакынкы өлкөлөргө саякат сунушташат. Муну менен бирге ИНТИМСИЗ деген жазуу бадырайып жазылып турат. Мындай жарыяларда иш тажрыйбасы көп талап кылынбайт.

2. Дагы бир ыкмасы — Интернеттен таанышуу. Келбети келишкен, жылуу сөзгө оозунун желин аябаган чет элдик мырза сиз үчүн баарына даяр болуп чыга келет. Жада калса билетиңиздин бир тараптуу багытын төлөп берүүгө чейин барат.

Тигүүчү жумуш ордунда. Архив - Sputnik Кыргызстан
Айды алып беребиз дегендерге алданган тикмечилер кулчулуктан кантип кутулду
3. Чек өлкөдө окууга өткөрүү да акыркы кезде терс максатта пайдаланыла баштады. Мында "окуудан өтүп келген" адамдын оозу менен көп нерсе айтылат. Алыс жакта билим алуудан мурун, ал программа тууралуу көбүрөөк маалымат билип алуу ашыкча болбойт.

4. Нике агенттиктери деген атка жамынган кызматтар — секс-кулчулукка алып барган дагы бир капкан болуп саналат. Анын иштөө ыкмасы баарыбызга белгилүү болгону менен анын кайырмагына илингендер дагы деле бар.

5. Интернет айдыңында веб-модель болуп иштөө сунушу популярдуу болуп баратат. Мында сиз чет мамлекеттин жашоочусун кепке тартышыңыз керек. Бирок мындан акча табуу үчүн кардарды 18+ багытындагы кептер ортого салына турган Интернет аркылуу жеке баарлашууга кызыктырууңуз шарт. Мында моделдер туш боло турган тобокелчиликтер арбын. Анын бири — шантаж.

Негизинен секс-кулчулукка чет өлкөгө чыккандар туш болот. Ал жакта кыз-келиндер жалгыз, коргоосуз калат. Андыктан, сапарга чыгып жатып, коопсуздугуңуз сактала турган жерлерди алдын ала белгилеп алганыңыз оң.

Жаңылыктар түрмөгү
0