Акыйкатчы Зумрад Жанабаеванын камакка алынышын ашкере катуу чара деп эсептейт

© пресс-служба Жогорку Кенеша КРАкыйкатчы Кубат Оторбаев. Архив
Акыйкатчы Кубат Оторбаев. Архив - Sputnik Кыргызстан
Жазылуу
Кубат Оторбаев Жол кайгуул кызматынын жетекчисине карата баш коргоо чарасын тандаган сот кылмыштын өзүн гана карап, башка чоо-жайы эске алынбаганын белгилейт.

БИШКЕК, 29-мар. — Sputnik. Акыйкатчы Кубат Оторбаев Жол кайгуул кызматынын жетекчиси Зумрад Жанабаеванын камакка алуу менен өтө катуу чара көрүлгөнүн билдирди. 

Акыйкатчы институту мекеме башчысы Оторбаев Жанабаевага карата козголгон кылмыш иштин иликтенишин жеке көзөмөлүнө алганын белгиледи.

Ойноп жаткан балдар. Архив - Sputnik Кыргызстан
Акыйкатчы 6 жылдан бери алименттен баш тарткан атаны эки баласына 18 миң сом төлөттүрдү
Эскерте кетсек, Зумрад Жанабаева кызмат абалынан кыянаттык менен пайдаланган жана документтерди жасалмалаган деген шек менен өткөн бейшемби күнү Октябрь райондук прокуратурасы тарабынан кармалып, Бишкек ШИИБнын убактылуу кармоочу жайына киргизилген. Ишемби күнү сот аны камакта 17-апрелге чейин калтыруу боюнча чечим чыгарган.

Ал эми дүйшөмбүгө караган түнү жүрөгү ооруп, ооруканалардын бирине тез жардам менен жеткирилген. Дарыгерлерге таянуу менен туугандары анын абалы оор экенин айтышууда.

Акыйкатчы камакка алуу чечими айла кеткендеги кадам болуп эсептелерин белгилейт. Анын айтымында, биринчиден иликтөө иштерин Жол кайгуул кызматына баш ийбеген орган жүргүзүп жаткандыктан, Жанабаева тергөөгө эч кандай таасир эте алмак эмес. 

"Экинчиден, Жанабаева тергөө маалында качып кетет же күбөлөргө зыян келтирет деген жыйынтык чыгарууга эч кандай негиз жок", — деп айтылат билдирүүдө.

Акыйкатчы Жанабаеванын баш коргоо чарасын караган сот кылмыштын өзүн гана карап, башка чоо-жайы эске алынбаганын белгилейт. 

Мындан улам билдирүүдө Жанабаева айыпталып жаткан кылмыш камакка алууну талап кылбай турганы айтылат.

Жаңылыктар түрмөгү
0