БИШКЕК, 27-мар. — Sputnik. Майлуу-Суу шаарындагы шайлоо участогунун биринде иштеп жаткан жабдуулар иштеп чыкканын, ал азырынча оңдоло электигин "Таза Шайлоо" ассоциациясынан байкоочу Эдир Бова билдирди.
Анын айтымында, айрым шайлоо участокторунда автоматтык урналар, паспортторду текшере турчу жабдуулар маал-маалы менен бузулуп жатат.
"Мындай оңтойсуздуктан улам Ош шаарындагы үч шайлоо участогунда шайлоо кеч башталып, кишилер кезек күтүп калышты. Жабдуулар иштебей калганда адистер чакырылууда, бирок, системаны кайтадан иштетүү үчүн 50 мүнөттөй убакыт кетип жатат", — деди ал.
Ош шаарында жалпы шайлоочулардын саны 117 миңден ашык болсо, Токмокто 26 миңден ашат.
Бүгүн Кыргызстанда алты шаарда (Ош, Каракол, Балыкчи, Токмок, Кемин, Майлуу-Суу) жана 22 айыл аймагында жергиликтүү кеңештерге шайлоо өтүүдө.
