Дубайдан кармалган Адил Тойгонбаев күрөөгө бошотулду

© Sputnik / Александр Вильф / Медиабанкка өтүүДубай шаарына көрүнүш. Архив
Дубай шаарына көрүнүш. Архив - Sputnik Кыргызстан
Жазылуу
ТИМдин расмий өкүлү Тойгонбаев эч жакка чыкпоо боюнча тил каттын негизинде күрөө коюлуп бошотулганын белгиледи.

БИШКЕК, 24-мар. — Sputnik. Дубайдан кармалган Адил Тойгонбаев күрөөгө бошотулду. Бул тууралуу Тышкы иштер министрлигинин расмий өкүлү Нурлан Сүйөркулов Sputnik Кыргызстан агенттигине билдирди.

Кишенчен киши. Архив - Sputnik Кыргызстан
УКМК Бектур Асанов менен Кубанычбек Кадыровду кармап кетти
Анын айтымында, Тойгонбаевден Дубайдан эч жакка чыкпоо боюнча тил кат алынган. Күрөөнүн суммасы белгисиз.

Маалыматка ылайык, эл аралык издөөгө алынган Адил Тойгонбаев Интерпол аркылуу Дубайдан кармалганын ИИМдин маалымат кызматы Интерполдун Кыргызстандагы өкүлчүлүгүнө таянуу менен кабарлаган.

Тойгонбаев 2005-жылы март окуясынан кийин эл аралык издөөгө алынган. Ал Акаевдин бийлиги учурунда бир катар мамлекеттик ишканаларды мыйзамсыз менчиктештирип алды деп айыпталган.

Белгилей кетсек, Адил Тойгонбаев Казакстандын жараны, биринчи президент Аскар Акаевдин күйөө баласы болчу. Ал Бермет Акаевага үйлөнгөн эле.

Интерпол тарабынан изделген Кыргызстандын "абройлуу" кылмышкерлери тууралуу Sputnik Кыргызстан макаласынан окуңуздар>>

Жаңылыктар түрмөгү
0