Салык кызматы декларация кабыл алуу үчүн күчөтүлгөн режимде иштеп жатат

© Sputnik / Михаил Мордасов / Медиабанкка өтүүСалык төлөө
Салык төлөө - Sputnik Кыргызстан
Жазылуу
Декларация тапшыруу өнөктүгү 2016-жылдын 1-январында башталган. Эскерте кетсек, ушул жылдын 1-мартында юридикалык жактар үчүн декларациялык кампаниянын биринчи этабы аяктады.

БИШКЕК, 22-мар. — Sputnik. Салык кызматы бүгүнтөн баштап Бирдиктүү салык декларациясын (БСД) кабыл алуу боюнча күчөтүлгөн режимде иштөөгө өттү. Бул тууралуу аталган мекеме билдирди.

Маалыматка ылайык, март айынын акыркы 10 күнүндө жеке жактардан БСД эртең мененки саат 9дан түнкү 12ге чейин кабыл алынууда. Мында декларацияны иш убактыларында тапшырууга жетишпей калган жарандар жумуш убактысы аяктаганда — 18.00дөн кийин бере алышат.

Иштин мындай режими бардык аймактык салык органдарында 1-апрелге чейин узартылат. 

Салык декларациясын толтуруу. Архив - Sputnik Кыргызстан
Бирдиктүү декларацияны салык төлөөчүлөрдүн үчтөн бири гана тапшырды
Мекеме 1-апрелге чейин чейин жеке жактар 2015-жылы алынган кирешелер же жер тилкелери жана мүлк объектилери, экономикалык ишмердиги тууралуу салык органдарына отчет берүүсү керек экенин эскертет. 

Тактап айтканда, аталган мөөнөткө чейин чейин мамлекеттик кызматкерлер, жеке ишкерлер, анын ичинде патенттик негизде салык төлөгөндөр, кыймылдуу (транспорт) жана кыймылсыз (батир жана үй) мүлкү, жер участогу (короо-жай участкаларынан башка) бар жеке жактар, юридикалык жакты түзбөй туруп ишмердиктерин ишке ашырган дыйкан жана фермердик чарбалар декларация тапшырууга милдеттүү. 

Декларация тапшыруу өнөктүгү 2016-жылдын 1-январында башталган. Эскерте кетсек, ушул жылдын 1-мартында юридикалык жактар үчүн декларациялык кампаниянын биринчи этабы аяктады.

Салык кызматы декларацияны өз убагында тапшырбагандар үчүн административдик айып каралганын белгилейт.

Жаңылыктар түрмөгү
0