Мейрманова: 10 жаштагы кызды кармалады деп шектелген мугалим буга чейин соттолгон эмес

Жазылуу
Шаардык милиция Бишкек шаарындагы Лев Толстой көчөсүндө жайгашкан билим берүү борборунан жашы жете элек кызды класска камап алып, дене башын кармалаган деген шек менен 44 жаштагы мугалим кармалганын маалымдаган.

БИШКЕК, 18-мар. — Sputnik. Он жаштагы кызга ыплас иштерди жасады деп шектелген мугалим буга чейин соттолбогонун Бишкек мэриясынын билим берүү башкармалыгынын жетекчиси Сауле Мейрманова Sputnik Кыргызстан маалымат агенттигине билдирди.

Белгилей кетсек, шаардык милиция радио-техника ийримине барган он жаштагы кызды класска камап алып ыплас аракеттерге барган деген шек менен 44 жаштагы мугалим кармалганын билдирген.

Мейрманованын айтымында, милиция тарабынан шектелип кармалган жаран боюнча бардык документтерди мектеп директору көрсөткөн. 

"Шектелген мугалим буга чейин соттолуп, жоопкерчиликке тартылган эмес. Ошондой эле анын психикалык саламаттыгы жайында экенин тактай турчу документи да болгон", — деди ал.

Куурчак. Архив - Sputnik Кыргызстан
Казакстанда педофилдер мыйзам чегинде бычыла турган болду
Мэриянын алдындагы Билим берүү башкармалыгынын жетекчиси "Жаш техниктердин станциясы" ийрими билим берүү борбору экенин кошумчалады. Ошондой эле мындай окуянын болушу өкүнүчтүү экенин, тергөөнүн жыйынтыгы менен шектелген мугалимге чара көрүлөрүн айтты.

Мейрманова он жаштагы кызга карата мугалим тараптан ыплас аракеттердин болгону тууралуу окуучунун апасы мэриянын алдындагы Балдарды коргоо борборуна кайрылгандан кийин билишкенин кошумчалады. Шектүү жаран Ленин райондук ИИБ кызматкерлери тарабынан кармалып, убактылуу кармоочу жайга киргизилди. 

Жаңылыктар түрмөгү
0