БИШКЕК, 26-фев. — Sputnik. Ош ШИИБинин 10-бөлүмүнүн кызматкери дааватчылардын окуу курсу менен таанышып чыкканын Кыргызстан мусулмандарынын дин башкармалыгы билдирди.
Маалыматка ылайык, милиция кызматкерлери муфтият тарабынан уюштурулган "Дааватчылардын билим деңгээлин жогорулатуу" боюнча түзүлгөн программаны көрүп чыгышкан. Окуу курсу Ош шаарынын "Алай" борбордук мечитинде уюштурулган.
Жыйында экстремизм, терроризмдин алдын алуу аракеттери белгиленип, дааватчыларды ар кандай терс диний агымдардын иштерине жол бербөө тууралуу айтылды.
Иш-чара суроо-жооп менен уланып, эки тараптуу кызуу талкуу жүрдү.
