Жол инспекторун капотто сүйрөп кеткен айдоочу 10 күнгө чейин камакта болот

© Sputnik / Виталий Белоусов / Медиабанкка өтүүКишен. Архив
Кишен. Архив - Sputnik Кыргызстан
Жазылуу
Айдоочу окуя болгон жерден качып кеткенден кийин эки күндөн соң кармалган. Из суутуп кеткенин аны көздөй мээленген тапанчадан коркуп кеткени менен түшүндүрдү.

БИШКЕК, 1-фев. — Sputnik. Бишкектин Свердлов райондук соту Жол кайгуул кызматынын инспекторун  капотто сүйрөп кеткен айдоочуну 10 күнгө камакка алуу чечимин чыгарды. Бул тууралуу Sputnik Кыргызстан агенттигине ШИИБ билдирди.

Айдоочу: Инспектор капотко секирип, тапанчасын такагандыктан, коркуп айдап жибердим
Кармалган жаран Бишкектин №1 тергөө абагында кармалат. Учурда жабыркаган инспектор амбулатордук дарылануудан өтүп жатат.

Окуя өткөн бейшемби күнү ЦУМдун жанынан болгон. YouTube пайдалануучусу тарткан видеого капотуна милиционерди жаткырган боюнча айдап бара жаткан BMW унаасы түшүрүлгөн. Айдоочу бир суткадан кийин кармалган. 22 жаштагы Адилет Максутов Жол кайгуул кызматынын инспектору аны көздөй тапанча такаганда коркуп унааны айдап жөнөгөнүн айткан.

Жаңылыктар түрмөгү
0