Муз жарылып сууга түшүп кеткен кыздарды алып чыккан эки жаран сыйлыкка көрсөтүлүүдө

© Sputnik / Табылды КадырбековСуудан чыгып жаткан адам. Архив
Суудан чыгып жаткан адам. Архив - Sputnik Кыргызстан
Жазылуу
Кыздардын бири дароо куткарылган. Ал эми экинчи кызды сууда көпкө жүрүп калгандыктан сактап калууга мүмкүн болбой калган.

БИШКЕК, 27-янв. — Sputnik. Муз жарылып, сууга түшүп кеткен 12 жана 8 жаштагы кыздарды куткарууга аракет кылган Айбек Бактыбеков менен Талант Самарбековго каармандыгы үчүн медаль ыйгаруу маселеси каралып жатканын ӨКМ билдирди.

Маалыматка ылайык, кырсык Панфилов районунун Кайыңды айылында үстүбүздөгү жылдын 12-январында болгон. Кичинекей кыздар көлмөгө жакын жерде чана тээп ойноп жатып, музга түшүшкөн. Жука тоңгон муз жарылып кетип, кыздар сууга түшүп кетишкен. 

Кыргыз республикасынын президенти Алмазбек Атамбаев. Архив - Sputnik Кыргызстан
Президент Атамбаев мамлекеттик сыйлыктарды тапшырды
Кыздардын кыйкырык-чуусунан улам көлмөнүн каршысында жашаган Айбек Бактыбеков менен дагы бир жергиликтүү тургун Талант Самарбеков дароо жардамга чуркашкан. Бактыбеков муздарды жиреп 8 жаштагы кызды кармап калууга жетишкен. Ал эми сууга улам кирип-чыгып жаткан экинчи кызды эптеп кармагандан кийин Самарбеков жип менен аларды жээкке тартып чыгарып, тез жардам чакырган.

Көптө барып суудан куткарылган 12 жаштагы кызга бир нече ирет жасалма дем алдыруу жасалган. Тилекке каршы, өспүрүм райондук ооруканадан каза болгон. Ал эми кичинекей кыздын абалы учурда туруктуу экени айтылууда.

Көрсөткөн каармандыктары үчүн Бактыбеков менен Самарбековду ӨКМнын "Чөгүп бара жаткан адамды куткаргандыгы үчүн" медалы менен сыйлоо маселеси каралып жатат.

Жаңылыктар түрмөгү
0