ЖК 2012-жылга чейин жер басып алуу менен салынган үйлөрдү мыйзамдаштырууну сунуштайт

Жазылуу
Өзүм билемдик менен салынган турак-жайлар боюнча маселе 2005-жылдагы революциядан кийин курчуп кетти. "Ата Мекен" фракциясы алты миңге чукул көйгөйлүү жер тилкеси бар экенин белгилеп, анын теңи мыйзамдаштырууга муктаж экенин айтты.

БИШКЕК, 22-янв. — Sputnik. Парламенттин "Ата Мекен" фракциясы 2012-жылдын 3-августуна чейин жер басып алуу менен салынган үйлөрдү мыйзамдаштырууга уруксат бергенин аталган фракциянын катчылыгы билдирди.

"Ата Мекендин" депутаттары  фракция тарабынан демилгеленген маселени карашты. Алардын пикиринде жеке менчик укугун бекитүүдөгү кыйынчылыктарды эске алып өзүм билемдик менен жасалган курулуштун бүгүнкү күндө актуалдуулугу курчуп бара жатат.

Кыргызстан жана Россия желеги. Архив - Sputnik Кыргызстан
Кыргыз-орус өнүктүрүү фонду Балыкчы жана Караколго үй курат
Жыйында мэрия Бишкектин 47 жаңы конушундагы үйлөрдү инвентаризациядан өткөргөнү белгиленди. Мында алты миң 382 жер тилкесине салынган үйдүн жарымын мыйзамдаштырууга боло турганы айтылган.

Фракция жер тилкесинин үй ээсине таандык экенин тастыктаган документтин жоктугунан жарандар ишке орношо албай, аскердик каттоодон өтө албай жана медициналык жардам ала албай жаткандыгын белгиледи.

Мунун баарын эске алуу менен фракция сунушталган мыйзам долбоорун колдоп, тармакты комитеттин кароосуна, андан кийин парламенттин талкуусуна алып чыгууну чечти.

Жаңылыктар түрмөгү
0