Сариев сейрек кездешкен жаныбарларды аткандарды мыйзам чегинде жазалоону буюрду

© Фото / Влад УшаковКызыл китепке киргизилген архар жаныбары. Архив
Кызыл китепке киргизилген архар жаныбары. Архив - Sputnik Кыргызстан
Жазылуу
Премьер өлкө аймагын байырлаган жан-жаныбарларды сактоо ар бир жарандын милдети экендигин айтты.

БИШКЕК, 19-янв. — Sputnik. Өкмөт башчысы сейрек кездешүүчү жаныбарларды аткандарды мыйзам чегинде жазалоону жана аларга аңчылык кылгандарга күрөштү күчөтүүнү тапшырды. Бул туурасында өкмөт башчынын маалымат катчысы Бакыт Асанов кабарлады.

"Премьер-министр өлкө аймагын байырлаган жан-жаныбарларды сактоо ар бир жарандын милдети экендигин белгилеп, бул жаатта бардык жарандар биргеликте иш алып барышы керектигин билдирди",— деди ал.

Учурда коомчулукта кечээ Ысык-Көлдүн Сырт өрөөнүндө кызыл китепке кирген жаныбарлардын бири — илбирсти атып, терисин жана башын алып келе жаткан кишини тартип коргоо органдары колго түшүргөн. 

Учурда илбирсти аткан киши Каракол шаарындагы Ички иштер бөлүмүнүн убактылуу кармоочу жайына отургузулган.

Ак илбирс. Архив - Sputnik Кыргызстан
Департамент: илбирстин атылышы кокустук эмес
Ак-Суу райондук ички иштер бөлүмүнөн кармалган жаран жасагандарын өз моюнуна алганын билдиришти. Ага карата мыйзамсыз аңчылык боюнча кылмыш иши козголуп, учурда тергөө иштери жүрүп жатат.

Бул көрүнүш кыргыз коомчулугунда талкууга алынууда. 

Ал эми Жогорку Кеңештин депутаттары тарабынан жапайы жана сейрек кездешүүчү жаныбарларды атууга мыйзамсыз лицензиялардын берилишине байланыштуу өлкөдө убактылуу аңчылыкка тыюу салуу боюнча мыйзам долбоору сунушталып жатат.

Учурда ак илбирсти аткандарга 500 миң сом айып салынып, же үч жылга чейин эркинен ажыратылат.

Жаңылыктар түрмөгү
0