09:55 12 Бештин айы 2017
Түз эфир
Дарыгер. Архив

Сариев: мектептерде балдар дарыгери иштеши керек

© Sputnik / Николай Хижняк
Коом
Кыскача шилтеме алуу
55 0 0

Өкмөт башчы балдардын ден-соолугуна тийиштүү кам көрүлүшү зарыл экенин, саламаттык сактоо тутуму эне жана баланын ден-соолугуна байланыштуу көйгөйлөрдү чечүү мүмкүндүгүн толук пайдаланбай жатканын белгиледи.

БИШКЕК, 13-янв. — Sputnik. Ар бир мектепте балдардын саламаттыгына көз салуучу дарыгер болуусу керектигин премьер-министр Темир Сариев медико-социалдык экспертиза жаатын реформалоо боюнча жыйында билдирди.

Эмгек жана социалдык өнүгүү министрлигинин маалыматына ылайык, мүмкүнчүлүгү чектелген жарандардын саны 168 миңди түзсө, анын 27 миңи – балдар.

Сариев балдардын ден-соолугуна тийиштүү кам көрүлүшү зарыл экенин, саламаттык сактоо тутуму эне жана баланын ден-соолугуна байланыштуу көйгөйлөрдү чечүү мүмкүндүгүн толук пайдаланбай жатканын белгиледи. 

"Учурда Кыргызстанда 2 миң 233 мектеп бар, анын ар биринде жылына бир ирет балдарды кароодон өткөрүп туруучу дарыгер иш алып баруусу керек. Бул тутумду милдеттүү түрдө киргизүү зарыл. Өсүп келе жаткан муундун ден-соолугу чың болсо, жалпы улуттун да саламаттыгы бекем болот", — деди премьер-министр.

Өкмөт башчы билдиргендей, оорулардын алдын алуу көзөмөлгө жакшы алынбагандыктан майып адамдардын саны көбөйүүдө.

Жыйын жүрүшүндө Сариев Эмгек жана социалдык өнүгүү министрлигине медико-социалдык экспертиза тутумунда иш жүзүндө пайдалануу үчүн майыптуулукту баалоо боюнча анкеталарды адаптациялоо боюнча иш алып барууну тапшырды. Ошондой эле медико-социалдык эксперттик комиссияларга врач-реабилитолог кызматын киргизүү тууралуу өкмөттүн токтом долбоорун сунуштоо милдеттендирилди.

Тема боюнча

Японияда поезд каттамы жалгыз окуучуну мектепте ташуу үчүн жүрүп турат
Сариев өлкөдө интернет байланышын күчөтүү тапшырмасын койду
Белгилер:
майып, дарыгер, жыйын, Темир Сариев
Колдонуу эрежелериПикирлер

ЭҢ МААНИЛҮҮ