Голландиялык туристтерди Кыргызстандын жаратылышы кызыктырып, арбап алды

© Sputnik / Владимир Пирогов / Медиабанкка өтүүСалкын-Төдрө жайгашкан боз үйлөр. Архив
Салкын-Төдрө жайгашкан боз үйлөр. Архив - Sputnik Кыргызстан
Жазылуу
Туристтик операторлордун билдиришинче, нидерланддык туристтер Кыргызстанга абдан кызыгууда.

БИШКЕК, 12-янв. — Sputnik. Нидерланддардын баш калаасы Амстердамда жыл сайын болуучу "Amsterdam Fair for Special Journey 2016" эл аралык ишкер туризми жана саякат боюнча көргөзмө өткөнүн КРдин Тышкы иштер министрлигинин маалымат кызматы билдирди.

Бул иш-чарада кыргызстандык жана чет элдик компаниялар Кыргызстанда туристтер үчүн түзүлгөн мүмкүнчүлүк менен тааныштырды.

Туристтик операторлордун билдиришинче, нидерландддык туристтер Кыргызстанга абдан кызыгууда.

"Саякатчылар Кыргызстанды башка тарабынан көрүп, кызыгып, экология багытындагы жана этнотуризмге ыкташууда", — деп маалымдады иш-чара боюнча маалымат берген ТИМ.

Арашан капчыгайы. Архив - Sputnik Кыргызстан
Financial Times журналы Кыргызстанды саякаттоого ыңгайлуу өлкө катарына кошту
Чет элдик туристтерди асман тиреген тоолор, адам буту баспаган жаратылыштын кооздугу жана ага жуурулушкан кыргыз элинин жашоо турмушу кызыктарат деп айтылат билдирүүдө.

Жөө саякаттоо, ат минүү, велосипед менен сейилдөө же, тоо койнунда боз үйдө, чатырда түнөө саякатчылардын жаратылыш менен бир бүтүн болуусуна шарт түзүп, көчмөн элдин бай тарыхын сезүүгө өбөлгө болот деп белгилейт туристтик операторлор.

Жаңылыктар түрмөгү
0