Кыргызстан инженердик багытта иштеген кыз-келиндерге муктаж

© Sputnik / Владимир Песня / Медиабанкка өтүүНоутбукта иштеп жаткан кыз. Архив
Ноутбукта иштеп жаткан кыз. Архив - Sputnik Кыргызстан
Жазылуу
Эки аптала ичинде беш облустагы 9-11-класстын окуучуларына математика, химия, физика, информатика, биология жана англис тили сабактары тереңдетилип окутулат.

БИШКЕК, 11-янв — Sputnik. Бүгүнкү күндө Кыргызстан инженердик багытта иштеген кыз-келиндерге муктаж. Мындай боштуктуту толтуруу үчүн атайын долбоордун алкагында жогорку класстын кыздары үчүн кышкы мектептер ачылып жатат. Бул туурасында "Роза Отунбаеванын демилгеси" фондусу билдирди. 

Японияда поезд каттамы жалгыз окуучуну мектепте ташуу үчүн жүрүп турат
11-январдан тарта Кыргызстандын беш дубанында табигый-техникалык сабактар боюнча чоң класстардын окуучулары үчүн кышкы эки апталык мектептер ачылат. Бул иш-чаралар "Кыз-келиндер илим менен техникада" (STEM) деп аталган долбоордун алкагында өтүп жатат. 

"STEM cөзүн чечмелей келгенде S-science – илим; T-technology – технология; E-engineering – инженерия; M-math – математика. STEM түшүнүгү көп өлкөлөрдүн билим берүү программасында батыл колдонула баштады", — деп билдирди долбоорду ишке ашырып жаткан "Роза Отунбаеванын демилгеси" фондусунан.

Демилгечилер максат – мектеп жашындагы кыздарды азыртадан техникалык адистиктерге тартуу экендигин билдиришти.

"Бүгүнкү күндө Кыргызстан инженердик багытта иштеген кыз-келиндерге муктаж, себеби, бул тармакка алар аз келишет. Тилекке каршы, өкмөт болочоктогу студенттерди инженердик кесипке үйрөтүүгө тартуу программасын иштетпей келе жатат",— деп айтылат аталган фондунун маалыматында. 

Мектепте сабак учуру. Архив - Sputnik Кыргызстан
Башталгыч класстын окуучуларына сабактар жаңы ыкма менен өтүлөт
Кыздарды кышкы мектептин алкагында окутуу Ош Технологиялык университетинин, Ош мамлекеттик университетинин, Кызыл-Кыя Технологиялык институтунун, Баткендеги Экономика жана укук боюнча мамлекеттик университетинин, Нарын мамлекеттик университетинин, Талас мамлекеттик университетинин жана Караколдогу "Билим Булагы" билим берүү борборунун базасында өткөрүлөт. Буга катышкан 9-11-класстын окуучуларына математика, химия, физика, информатика, биология жана англис тили сабактары тереңдетилип окутулат. 

Аталган фонду мектепке чейинки билим берүү боюнча жайлоо бала бакчаларын боюнча долбоорду иштетип келет.

Жаңылыктар түрмөгү
0