БИШКЕК, 6-янв. – Sputnik. Премьер-министр Темир Сариевдин бүгүн, 6-январда Нарын облусунун Жумгал районуна иш сапары башталганын өкмөттүн маалымат кызматы билдирди.
5 Үчтүн айы 2016, 11:34
Иш сапардын жүрүшүндө Сариев Жумгал районунун Миң-Куш айылындагы өткөн жылдын 7-декабрында болгон жер титирөөнүн кесепеттерин жоюу иштери жана аталган айылдагы уран калдыктарын сактоочу жайдын абалы менен таанышат.
Ошондой эле Чаек айылындагы былтыркы жылы жүргүзүлгөн жол куруу иштеринин жыйынтыктары жана 2016-жылга коюлган милдеттер боюнча көчмө жыйын өткөрөт.
Өкмөт башчы муну менен катар райондогу социалдык объектилер менен таанышмакчы.
