ИИБ: чучук тууралуу чет элдиктин айткандары УКМКга берилет

© Sputnik / Табылды КадырбековУКМКнын имаратынын алдындагы адам. Архив
УКМКнын имаратынын алдындагы адам. Архив - Sputnik Кыргызстан
Жазылуу
Кыргыздын улуттук тамагын жылкынын жыныс органына теңеген чет элдик боюнча иш Улуттук коопсуздук боюнча мамлекеттик комитетке берилет. Алар кылмыш ишин козгоо же козгобоо боюнча чечим кабыл алат.

БИШКЕК, 4-янв. — Sputnik. "Кумтөр" компаниясынын кызматкери Майкл Макфитке карата кылмыш ишин козгоо же козгобоо боюнча чечимди Улуттук коопсуздук боюнча мамлекеттик комитети кабыл ала турганын ИИМдин Ысык-Көл облусу боюнча башкармалыгынын маалымат катчысы Сталбек Усубакунов Sputnik Кыргызстан маалымат агенттигине билдирди.

Милиция кызматкерлери бардык материалдарды чогултуп облустук прокуратурага берген. Алар Макфиттин аракеттеринде КР Кылмыш жаза кодексинин "Улуттук, расалык жана диний кастыкты козутканы үчүн" беренеси боюнча кылмыштын бар-жогун аныктайт.

"Учурда прокуратура документтерди кайтадан ИИБге берди. Алар ишти УКМКга жөнөтүшөт. Ал жактан кылмыш ишин козгоо же козгобоо боюнча чечим кабыл алынат", — деди ал.

Чет элдиктерди таң калтырган кыргыз тамактары
Узап кеткен жылдын 30-декабрында алтын кен ишканасынын кызматкери Майкл Макфит социалдык тармакка комбинаттын тамак-аш столунда отурган сүрөтүн жарыялап, аны коштогон кыргыздын улуттук тамак-ашынын бири — жылкынын чучугун аттын жыныстык мүчөсүнө салыштырган текстин жазган. Бул социалдык тармакта ар кыл маанайдагы пикирлерди, нааразычылыкты жараткан. Ал эми жооп иретинде "Кумтөр Голд компани" ишканасынын кызматкерлери иш таштап, андан сырткары атайын кат менен ИИМ, Башкы прокуратура жана УКМКга кайрылып, улуттук баалуулуктарды мазактаган чет элдикти жоопко тартууну талап кылышкан.

Ал эми Макфит социалдык тармактагы жазгандырын өчүрүп, кечирим сурап жаңысын жазды.

Ал таңкы саат үчтө "Манас" аба майданында милиция тарабынан кармалган.

Жаңылыктар түрмөгү
0