Кинематографисттер бирикмесине жаңы жетекчи шайланды

© Sputnik / Алексей Дружинин / Медиабанкка өтүүКреслодогу порфель. Архив
Креслодогу порфель. Архив - Sputnik Кыргызстан
Жазылуу
Садык Шер-Нияз депутат болгонуна байланыштуу бирикменин ишин алдыга жылдырууга убактысы жетпей калган. Буга ылайык жетекчилик кызматын башкага өткөрүп берүүгө аргасыз болду.

БИШКЕК, 27-дек. – Sputnik. Бүгүн кинематографисттер бирикмесинин съездинде жаңы жетекчи шайланды. Бул тууралуу Sputnik агенттигине режиссер Ника Жолдошева билдирди. 

Маалыматка ылайык, Марат Сарулу, Таалайбек Кулмендеев, Таалайбек Бапановдор өз талапкерликтерин койгон. 

"Талапкерлердин бардыгы мыкты экен. Буга ылайык талаш-тартыштар көп болду. Съезд ортолоп калганда Марат Сарулу өз ыктыяры менен талапкерлигин алып салды. Калган эки талапкерди тең жетекчи кылуу тууралуу ойлор айтылды", — дейт Жолдошева.

Ара жолдо калган "Шабдан баатыр", шагы сынган киночулар
Съезддин жыйынтыгында Таалайбек Кулмендеев 77 добуш менен кинематографисттер бирикмесине жетекчи болуп дайындалды. Ал эми Таалайбек Бапановдун жеңишине болгону 7 добуш жетпей калды. 

Буга чейин Таалайбек Кулмендеев Италиядан режиссерлук билим алып келген. Кыргызфильмге 2012-жылы директор болуп шайланган. 

"Курманжан Датка" тасмасын тартууга да чоң салымын кошкондугу тууралуу Ника Жолдошева кошумчалады. 

Ал эми талапкерлерди шайлоого кинематографисттер бирикмесинин мүчөлөрү добуш берген.

Жаңылыктар түрмөгү
0