Каза болгон милиционердин ата-энесине 8-кичи районунун тургундары акча чогултуп берди

Жазылуу
Октябрь РИИБ жетекчиси Исабаев кызмат учурунда курман болгон милициянын кенже лейтенанты Актилек Абдувалиевдин атасына, уулу иш алып барган 8-кичи райондун тургундары чогулткан акча каражатын тапшырды. Аны шаардыктар милициянын элесин эскерип, ыраазычылык иретинде топтогон.

БИШКЕК, 2-дек. — Sputnik. Кылмышкерлердин колунан каза тапкан участкалык милиционер Актилек Абдувалиевдин атасы Асан Исабаев Оштон келип, уулу менен чогуу кызмат өтөгөн кесиптештерине жолукту. Бул тууралуу Бишкек шаардык милициядан билдиришти.

Кылмышкерлерди издеп жаткан милиция кызматкерлери. Архив - Sputnik Кыргызстан
ИИМ милиционерди атып кеткендер пайдаланды делген велосипеддин ээсин издеп жатат
Аза минутасынан кийин Октябрь РИИБ жетекчиси Мадияр Кулуев милиционердин атасына ыраазычылык билдирип, өлтүргөндөрдү издөө иши ички иштер министринин жеке көзөмөлүндө экенин айтты. 

Абдувалиевдин карамагындагы №8 кичи райондун тургундары кайгылуу окуяга кайдыгер калбай чогултуп берген 22 миң сом өлчөмүндөгү каражатты тапшырды. 

Исабаев уулунунун өмүрүн алгандар кармалат деген үмүтүн билдирди.

"Уулумдун өлүмүнө забын болгондор кармалып, мыйзам чегинде жоопко тартылышын каалайм. Менин тилегеним эле ушу", — деди милиционердин атасы.

Милициянын кенже лейтенанты Актилек Абдувалиев 19-ноябрь күнү саат 19.55те 8-кичи райондогу №38 үйдүн жанынан эки кылмышкердин колунан каза тапкан. Маалыматка ылайык, аталган аймактын 26 жаштагы тескөөчүсү үй ууруларын кармоо учурунда өлтүрүлгөн.

Жаңылыктар түрмөгү
0