Жаңы жылдык концертте филармония баалуу байгелерди ойнотот

© Sputnik / Табылды КадырбековТоктогул Сатылганов атындагы Кыргыз улуттук филармониянын имараты. Архив
Токтогул Сатылганов атындагы Кыргыз улуттук филармониянын имараты. Архив - Sputnik Кыргызстан
Жазылуу
Байгелердин ичинде санаторийге жолдомолор, эки кишилик кечки тамак, уюлдук телефондор жана башка тиричилик буюмдары бар. Билет баасы 300 сом.

БИШКЕК, 1-дек. — Sputnik. Токтогул Сатылганов атындагы Кыргыз улуттук филармония ири программадагы жаңы жылдык концерт даярдап жатканын Маданият, маалымат жана туризм министрлиги билдирди.

Маданият ишмерлери. Архив - Sputnik Кыргызстан
Маданият ишмерлери кесиптик майрамын белгилөөдө
Үстүбүздөгү жылдын 17-20-декабрь күндөрү көрөрман журтун куттуктап, филармониянын чыгармачыл жамааттары менен кыргыз эстрадасынын жылдыздары өз өнөрлөрүн тартуулайт.

Бул мезгилде имараттын чоң зары, кире бериши, бет маңдайы жасалгаланып, концерт учурунда уюлдук телефондор, сим-карталар, зер буюмдары, тоо лыжа базасына, санаторийлерге жолдомолор жана тиричилик техникасы ойнотулат. Мындан тышкары, үч ай бою филармониянын концерттерине акысыз көрүү мүмкүнчүлүгү берилет.

Филармония жетекчилиги байгелер чүчү кулак кармоо менен ойнотула турганын белгилейт. Байгелерге каражат демөөрчүлөр тарабынан бөлүнгөн.

"Учурда филармониянын администрациясы жаңы жылдык концерттерди жогорку деңгээлде өткөрүүгө кызуу даярдык көрүп жатат", — деп айтылат билдирүүдө. 

Концерттер 18.00дө башталып, билет баасы 300 сом турат.

Жаңылыктар түрмөгү
0