Алты миллионунчу Айлин үйдө алтынчы бөбөк болуп төрөлдү

© Айша КамиловаАлты миллионунчу кыргызстандык кыз Айлин.
Алты миллионунчу кыргызстандык кыз Айлин. - Sputnik Кыргызстан
Жазылуу
Айлиндин ата-энеси, бир туугандары Ош шаарында батирде турат.

БИШКЕК, 26-ноя. — Sputnik. Алты миллионунчу кыргызстандык кыз үй-бүлөдө алтынчы болуп төрөлүп, ага Айлин деген ысым беришти. Бул туурасында Sputnik маалымат агенттигине үй-бүлөнүн башчысы Улуттук Гвардиянын Оштогу бөлүгүнүн командири Алмазбек Кожошев билдирди.

Кыргызстандыктардын санын алты миңге жеткирген атактуу бөбөк кечээ, Ош шаарында 18:12де 3 кг. 870 грамм менен жарыкка келди. 

© Айша Камилова Шестимиллионная кыргызстанка Айлин и ее мать.
Шестимиллионная кыргызстанка Айлин и ее мать. - Sputnik Кыргызстан
Шестимиллионная кыргызстанка Айлин и ее мать.

Апасы — Рахат Белекова үй кызматкери, ал эми атасы Алмазбек Кожошев — Улуттук Гвардиянын Оштогу бөлүгүнүн командири.

Бактылуу эне менен алты миллионунчу кыргызстандык. Төрөт үйүнөн кадрлар
Айлин үй-бүлөнүн алтынчы баласы. Атасынын айтымында, ысымды апасы ыйгарган. Үй-бүлөнүн улуу баласы 18 жашта, студент. Ал эми Айлинден улуусу 2,5 жашта.

Кожошев алты миллионунчу Айлинге президент үй бере тургандыгын Sputnik маалымат агенттигинен уккандыгын айтты. Алар беш баласы менен Ош шаарында батирде турушат. 

Айлиндин атасы төрөлө турган ымыркайы кыргызстанда алты миллионунчу болуп каларын күтпөгөндүгүн билдирди.

"Өтө кубанып, толкунданып турам. Менин кызым алты миллионунчу болот деген ойго деле келген эмес. Бул биз үчүн күтүүсүз болду", — деди Кожошев.

Ош облустук ооруканасынын жетекчиси Шайырбек Сулайманов төрөт жеңил өткөндүгүн, эне-бала өздөрүн жакшы сезип жаткандыгын билдирди.

Жаңылыктар түрмөгү
0