Бешиктен бели чыкпай жатып, Сирияга аттангандар арбууда

© Sputnik / Сергей Мамонтов / Медиабанкка өтүүСирия мамлекетинин желеги. Архив
Сирия мамлекетинин желеги. Архив - Sputnik Кыргызстан
Жазылуу
Чыр-чатактуу аймактарга "жихад" ишеними менен 70ке чукул жаштар жана өспүрүмдөр кеткен.

БИШКЕК, 25-ноя. — Sputnik. Экстремисттик жана террордук уюмдардын согушкерлеринин катарына кирип кетип, элди чыр-чатактуу аймактарга азгырып жүргөн кыргызстандык жаштар аныкталууда. Бул туурасында ИИМдин 10-башкы башкармалыгынан билдиришти. 

"Ош облусунун Араван районунун Тепе-Коргон айылынан 18 жаштагы Абдурахман аттуу бала 2014-жылдын май айында Сирияда болуп жаткан кагылышууга катышууга чыгып кетип, ал жактан туруп алып "одноклассники.ру" социалдык тармагы аркылуу Сирияга келүүгө башкаларды үндөгөн",— деп билдиришти. 

Согушкерлер Кыргызстандан азгырылган бир кишинин башына $10 миң убада кылышкан
ИИМдин маалыматында, акыркы он айдын ичинде террористтик уюмдардын мүчөлөрүн согуш аймактарына (Сирия, Ирак, Пакистан, Афганистан) азгыруу, жалдоо жана жөнөтүү менен алектенген 209 факты аныкталып, анын ичинен 24 факты боюнча кылмыш иштери козголгон. Ал эми калган фактылар боюнча керектүү кошумча текшерүү, ыкчам-иликтөө иш-чаралары жүргүзүлүүдө. 

Кыргызстандан Сирия, Ирак, Афганистан жана Пакистан зоналарында болуп жаткан согуш аракеттерине катышууга кеткендердин 307си эркек киши болсо, 100гө чукулу аялдар. Бул туурасында ИИМдин 10-башкы башкармалыгынын жетекчиси Сталбек Рахманов маалымат жыйынында айтты.

Ал эми чыр-чатактуу аймактарга "жихад" ишеними менен 70ке чукул жаштар жана өспүрүмдөр кеткен.

Жаңылыктар түрмөгү
0